អ្នកចាត់ការ Mikel Arteta បាននិយាយថា Newcastle United មានភាពល្អប្រសើរជាង Arsenal ដល់ទៅ១០ដង ហើយបានសារភាពថា ក្រុមកាំភ្លើងធំ មិនស្ថិតនៅក្នុងកម្រិតក្រុមដែលស័ក្ដិសមលេងនៅ UEFA Champions League នៅឡើយទេ។
ក្ដីសង្ឃឹមរបស់ Arsenal សម្រាប់ការទទួលបានឱកាសលេងនៅ Champions League រដូវកាលក្រោយ លែងស្ថិតនៅក្នុងកណ្ដាប់ដៃរបស់ពួកគេហើយ បន្ទាប់ពីរងបរាជ័យ ២-០ ក្រោមថ្វីជើងរបស់ Newcastle ខណៈ Tottenham កំពុងមានប្រៀបក្នុងការទទួលបានឱកាសចូលរួមការប្រកួត UCL រដូវកាល ២០២២-២៣។
