កីឡាករក្រុមឫស្សីកែវ ម៉ាន់រ៉ូ យ៉ានី សារភាពថា បានរងសម្ពាធខ្លះពីអ្នកគាំទ្រក្រុមវម្ចាស់ផ្ទះវិទ្យាល័យច្បារអំពៅ ប៉ុន្តែក្រុមគេបានព្យាយាមជម្នះបញ្ហានេះ ហើយប្រឹងប្រែងរហូតអាចរកកគ្រាប់បាល់នាំមុខបានមុន។
ក្រុមវិទ្យាល័យឫស្សីកែវបានយកឈ្នះផ្ទះច្បារអំពៅដោយលទ្ធផល៤ទល់នឹង០ សប្ដាហ៍ទី០២ នៃពានរង្វាន់ AIA ជើងឯកវិទ្យាល័យ រដូវកាល២០២៣ នៅថ្ងៃទី ០៦ ខែកញ្ញា ឆ្នាំ២០២៣ នាទីលានច្បារអំពៅ។ ខ្សែបម្រើស្លាបរូបនេះទទូចថា ក្រុមអ្នកគាំទ្រច្បារអំពៅបានស្រែកដាក់ក្រុមខ្លួនម្តងហើយម្តងទៀត។
“ខុសពីលេងបាយបានបង លេងប៉ះក្រុមម្ចាស់ផ្ទះគេមានអ្នកគាំទ្រច្រើន” ។
ចប់សប្ដាហ៍ទី០២ ក្រុមវិទ្យាល័យប្ញស្សីកែវ មាន ៤ពិន្ទុ ពីការប្រកួតពីរដងរបស់ខ្លួន ដោយប្រកួតដំបូងពួកគេបានស្មើគ្នា ២-២ ជាមួយវិទ្យាល័យព្រះស៊ីសុវត្ថិ និងប្រកួតទីពីរឈ្នះ ៤-០ លើវិទ្យាល័យច្បារអំពៅ។ សប្ដាហ៍ទី០៣ ក្រុមវិទ្យាល័យប្ញស្សីកែវ នឹងត្រូវប៉ះក្រុមខ្លាំងមកពីស្រុក កៀនស្វាយ គឺវិទ្យាល័យជ័យវរ្ម័នទី៧ លើទីលានវិទ្យាល័យបឹងត្របែក ថ្ងៃទី ១៣ ខែកញ្ញា ឆ្នាំ២០២៣៕
