ព្រឹត្តិការណ៍ការប្រកួតបាល់ទាត់ដណ្តើមពានរង្វាន់ អ ធី អិន ខេ ឆ្នាំ ២០២៥ បានរៀបចំសន្និសីទសារព័ត៌មានជាផ្លូវការ នៅថ្ងៃពុធ ទី២៧ ខែវិច្ឆិកា ឆ្នាំ២០២៤ ។
ពិធីនេះ ធ្វើឡើងដោយមានការចូលរួមបើកកម្មវិធីពីឧកញ៉ា ឈាង សុវណ្ណរតនៈ ដែលជាស្ថាបនិក និងអគ្គនាយកនៃក្រុមហ៊ុន RTNK Group ,ភ្ញៀវកិត្តិយស និងតំណាងក្រុមបាល់ទាត់ចំនួន១៦។
នាឱកាសបើកព្រឹត្តិការណ៍នេះ ឧកញ៉ា ឈាង សុវណ្ណរតនៈ បានមានប្រសាសន៍ថា គោលបំណងនៃការរៀបចំការប្រកួតបាល់ទាត់នេះគឺ ដើម្បីបង្កើតឱកាសសម្រាប់យុវជនកម្ពុជាក្នុងការជួបជុំគ្នា រឹតចំណងមិត្តភាព សាមគ្គីភាព និងបង្កើនកិច្ចសហប្រតិបត្តិការ ក៏ដូចជាផ្តល់ឱកាសឱ្យយុវជនកម្ពុជាបញ្ចេញសមត្ថភាព និងទេពកោសល្យរបស់ខ្លួននៅក្នុងវិស័យកីឡាបាល់ទាត់នេះផងដែរ។
លោកបន្តថា ព្រឹត្តិការណ៍ប្រកួតបាល់ទាត់នេះ ជាចលករដ៏ពិសេស និងដើរតួនាទីយ៉ាងសំខាន់មួយផ្នែកក្នុងការលើកស្ទួយវិស័យកីឡាបាល់ទាត់ក្នុងព្រះរាជាណាចក្រកម្ពុជា។
បន្ថែមពីនេះ អ្នកចូលរួមទាំងអស់នឹងទទួលបាននូវការកម្សាន្តដ៏រីករាយជាមួយនឹងការសម្តែងរបស់ក្រុមសិល្បករក្មេងខ្មែរ និងការសម្តែងក្បាច់គុនបុរាណខ្មែរ “គុនល្បុក្កតោ” នៅក្នុងពិធីបើកការប្រកួត នៅថ្ងៃទី ៣០ ខែវិច្ឆិកា ឆ្នាំ ២០២៤ ចាប់ពីម៉ោង ៣ រសៀលតទៅ។
សូមបញ្ជាក់ថា ការប្រកួតបាល់ទាត់ដណ្ដើមពានរង្វាន់ អ ធី អិន ខេ ត្រូវបានចែកចេញជា ៤ ពូល ក្នុងមួយពូលមានចំនួន ៤ក្រុម។ ការប្រកួតនឹងចាប់នៅថ្ងៃទី០១ ខែធ្នូ ឆ្នាំ២០២៤ រហូតដល់ថ្ងៃ០៥ ខែមករា ឆ្នាំ២០២៥។ ការប្រកួតbកំណត់យក ថ្ងៃសៅរ៍ និងថ្ងៃ អាទិត្យនៅពេលល្ងាច ចាប់ពីម៉ោង ៤រសៀល ដល់ម៉ោង ៦ល្ងាច ដែលក្នុងមួយថ្ងៃនឹងធ្វើការប្រកួតចំនួន៤ក្រុម នាក្លឹបកីឡា ផ្លាទីនីម ជ្រោយចង្វា។
ក្រុមដែលបានដាក់ពាក្យចូលរួមការប្រកួតមានចំនួន ១៦ក្រុម ក្នុងមួយក្រុមបានចំនួនកីឡាករ ៩នាក់។ សម្រាប់រូបមន្តនៃការប្រកួត គី កីឡាករលេង៦នាក់ និង៣នាក់បម្រុង។
សមាភាពក្រុមទាំង ១៦ រួមមាន៖
- ក្រុម Youngster FC
- ក្រុម C.A.P City Football Club
- ក្រុម ក្រុងចក្រ
- ក្រុម Dragon City
- ក្រុម PTT PrekHo 50M
- ក្រុម RTNK Retail
- ក្រុម White Warrior FT
- ក្រុម Mashal FT
- ក្រុម យុវជនសេដ្ឋកិច្ចក្រៅប្រព័ន្ធកម្ពុជា
- ក្រុម Night Eagle FT
- ក្រុម ដង្ខៅ FC
- ក្រុម Mizuna FC
- ក្រុម CE&P FC
- ក្រុម AISAKI
- ក្រុម The Revolution Mini
- ក្រុម Fire Unstoppable
សម្រាប់ប្រាប់រង្វាន់ក្រុម
- ជ័យលាភីលេខ១ ទទួលបានពានរង្វាន់១ ប្រាក់ឧបត្ថម្ភចំនួន ៤ ០០០ ០០០៛ (បួនលានរៀល) និងមេដាយ មាសម្នាក់មួយ។
- ជ័យលាភីលេខ២ ទទួលបានប្រាក់ឧបត្ថម្ភចំនួន ៣ ០០០ ០០០៛ (បីលានរៀល) និងមេដាយប្រាក់ម្នាក់មួយ
- ជ័យលាភីលេខ៣ ទទួលបានប្រាក់ឧបត្ថម្ភចំនួន ២ ០០០ ០០០៛ (ពីរលានរៀល) និងមេដាយសំរឹតម្នាក់មួយ
- ជ័យលាភីលេខ៤ ទទួលបានប្រាក់ឧបត្ថម្ភចំនួន ១ ០០០ ០០០៛ (មួយលានរៀល)
