លោក Slaven Bilic ត្រូវបានតែងតាំងជាអ្នកចាត់ការក្លិបនៅក្របខណ្ឌកំពូលចិន Beijing Guoan នៅថ្ងៃទី៦ ខែមករា ឆ្នាំ២០២១ ក្រោយត្រូវបានបណ្ដេញចេញពីតំណែងនៅ West Bromwich Albion កាលពីបីសប្ដាហ៍មុន។
អតីតខ្សែការពារកណ្ដាលជនជាតិក្រូអាតរូបនេះ បានចុះកុងត្រារយៈពេល២ឆ្នាំ ជំនួសគ្រូបង្វឹកចាស់លោក Bruno Genesio។
លោក Bilic បានចំណាយពេល១៨ខែ ក្នុងការជួយ West Brom ឡើងមកកាន់ Premier League ប៉ុន្ដែលោកត្រូវបានបណ្ដេញចេញពីតំណែង កាលពីខែធ្នូ នៅពេលដែលមិនអាចស្រោចស្រង់ពួកគេចេញពីតំបន់ត្រូវកាត់ចេញ ក្នុងតារាង Premier League។ Beijing Guoan ជាក្លិបទី៧ដែលលោក Bilic ដឹកនាំនៅក្នុងអាជីពរបស់ខ្លួន បន្ថែមពីលើការដឹកនាំក្រុមជម្រើសជាតិក្រូអាត ចន្លោះពីឆ្នាំ ២០០៦ ដល់ ២០១២។
ស្ថិតិដែលលោក Bilic ធ្លាប់ដឹកនាំ៦ក្លិបកន្លងមកមានដូចជា៖
| ក្លិប | ចំនួនប្រកួត | ឈ្នះ | ស្មើ | ចាញ់ | %ឈ្នះ |
| Hajduk Split (2001-02) | 17 | 11 | 4 | 2 | 65% |
| Lokomotiv Moscow (2012-13) | 32 | 13 | 7 | 12 | 41% |
| Besiktas (2013-2015) | 92 | 48 | 22 | 22 | 52% |
| West Ham (2015-17) | 111 | 42 | 30 | 39 | 38% |
| Al-Ittihad (2018-19) | 17 | 3 | 5 | 9 | 18% |
| West Brom (2019-20) | 65 | 26 | 22 | 17 | 40% |
