Eden Hazard នឹងបង្ហាញខ្លួន ក្នុងជម្រើស១១នាក់ដំបូងសម្រាប់ Real Madrid ក្នុងជំនួបទល់ Mallorca នាថ្ងៃអាទិត្យ នេះបើយោងតាមការបញ្ជាក់ពីអ្នកចាត់ការ Carlo Ancelotti។
ម្ចាស់អាវលេខ៧របស់ក្រុមអធិរាជសរូបនេះ ខានលេងក្នុងជម្រើស១១នាក់ដំបូងជាច្រើនខែមកហើយ ពោលគឺចាប់តាំងពីខែមករា ឆ្នាំ២០២២ មក។
សូមរំឭកថា Hazard ត្រូវបានប្ដូរចូលនៅនាទីទី៣០ ជំនួស Karim Benzema អំឡុងការប្រកួតដែល Real Madrid យកឈ្នះ Celtic ដោយលទ្ធផល ០-៣ នៅ UEFA Champions League ដោយគេរកគ្រាប់បាល់បានមួយគ្រាប់ និងបញ្ជូនឱ្យ Luka Modric ស៊ុតចូលមួយគ្រាប់ផងដែរ៕
