ក្រុមម្ចាស់ផ្ទះបារាំង នឹងជួបតតាំងជាមួយអាហ្សង់ទីន ក្នុងវគ្គ៨ក្រុមចុងក្រោយ ក្នុងវិញ្ញាសាបាល់ទាត់នៃព្រឹត្តិការណ៍អូឡាំពិក បន្ទាប់ពីយកឈ្នះណូវែលហ្សេឡង់ ៣-០ ក្នុងប្រកួតចុងក្រោយនៃវគ្គចែកពូល កាលពីរាត្រីថ្ងៃអង្គារ។
អាហ្សង់ទីនបានឆ្លងទៅកាន់វគ្គ១/៤ផ្ដាច់ព្រ័ត្រ ក្នុងនាមជាក្រុមលេខ២នៃពូល B បន្ទាប់ពីទទួលបានជ័យជម្នះ ២-០ លើអ៊ុយក្រែន។ ការប្រកួតរវាងបារាំង និងអាហ្សង់ទីន នឹងធ្វើឡើងក្នុងរយៈពេលពីរសប្ដាហ៍ក្រោយ ខ្សែបម្រើ Enzo Fernandez បានបង្ហោះវីដេអូមួយលើបណ្ដាញសង្គម ក្រោយឈ្នះជើងឯក Copa America ដោយច្រៀងលេបខាយក្រុមជម្រើសជាតិបារាំង ដែលសម្បូរកីឡាករជនជាតិស្បែកខ្មៅ។
មុនធានាឆ្លងផុតវគ្គចែកពូល អាហ្សង់ទីនបានប្រឈមនឹងបញ្ហាចម្រូងចម្រាស់ ក្នុងការប្រកួតបើកឆាកទល់ម៉ារ៉ុក រួមទាំងការរំខានផ្សេងៗពីអ្នកគាំទ្រម្ចាស់ផ្ទះ។
