ចង់លេងក្នុងលីគនារីយ៉ាងខ្លាំង បាន ម៉ារី សម្រេចចិត្តចាកចេញពីក្រុមនារីទ័ព មកតេស្តក្នុងក្រុមនារី បឹងកេត
លីគបាល់ទាត់នារីបានវិលត្រឡប់មកវិញសម្រាប់ឆ្នាំ ២០២៤-២០២៥ ក្នុងនោះសង្កេតឃើញថាក្រុមនារីសមាគមកីឡាបាល់ទាត់កងយោធពលខេមរភូមិន្ទមិនមានវត្តមានចូលរួមឡើយ។ ជាមួយគ្នានេះ បាន ម៉ារី អតីតកីឡាការិនីក្រុមនារីទ័ពបានលើកឡើងថាខ្លួនបានចាកចេញពីក្រុមចាស់មកចូលរួមតេស្តជាមួយក្រុមនារីបឹងកេតក៏ព្រោះតែគេចង់សម្រេចបំណងនៃការចូលរួមប្រកួតប្រជែងក្នុងលីគបាល់ទាត់នារីកម្ពុជា។ យុវតីវ័យ១៨ឆ្នាំបន្តថាគេប៉ុនប៉ងចូលលេងក្នុងលីគនារីនេះជាយូរមកហើយ ខណៈការដំណើរលីគកាលពីលើកមុនរូបគេនៅក្មេងពេក និងជាប់រវល់ជាមួយការសិក្សានៅខេត្ត។ កីឡាការិនីមានប្រភពពីខេត្តព្រៃវែងបន្ថែមទៀតថាការបានលេងក្នុងលីគនារីគឺជាជំហានដំបូងរបស់គេក្នុងការអាចមានឱកាសបានជាប់ក្រុមជម្រើសជាតិ ក៏ព្រោះតែការបង្ហាញខ្លួនក្នុងលីគគឺមានគ្រូៗ…
