អ្នកប្រដាល់ ហ៊ុន គឹមហៀង ទទូចមិត្តរួមអាជីពប្រឹងហាត់ឱ្យជាប់លាប់ កុំចាំតែមានការប្រកួត បានខំប្រឹង
កីឡាករប្រដាល់សកលលេចធ្លោ ហ៊ុន គឹមហៀង បានទទូចមិត្តរួមអាជីពត្រូវរក្សាការហ្វឹកហាត់យ៉ាងខ្ជាប់ខ្ជួន ដើម្បីថែរក្សាគុណផលឱ្យបានល្អ ពោលកុំចាំតែមានការប្រកួត ឬជិតដល់ថ្ងៃប្រកួត ទើបខិតខំសំរុកបុកហ្វឹកហាត់។ សមាជិកក្រុមជម្រើសជាតិប្រដាល់សកលកម្ពុជាសង្កត់ធ្ងន់ថា ការហ្វឹកហាត់ជាប្រចាំធ្វើឱ្យកីឡាករ កីឡាការិនីអាចរក្សាកម្លាំង និងបច្ចេកទេសល្អពេលឡើងប្រកួតជាក់ស្ដែង។
