ក្លិបព្រះខ័៍នរាជស្វាយរៀង បានប្រកាសពីការចាកចេញរបស់កីឡាករប្រេស៊ីលពីររូបគឺ Thiago និង Pedro Agusto នៅលើផេកហ្វេសប៊ុកផ្លូវការរបស់ក្លិប នៅថ្ងៃទី៣ ខែវិច្ឆិកា ឆ្នាំ ២០២០។
សម្រាប់ការចំណាយពេលមួយរដូវកាល ចាប់តាំងពីផ្ទេរមកកាន់ព្រះខ័នរាជ ពីក្លិប Thai Honda នៅចុងឆ្នាំ ២០១៩ ខ្សែបម្រើវ័យ៣២ឆ្នាំ Thiago បានបង្ហាញខ្លួនលើទីលាន១៤ប្រកួត និងរកគ្រាប់បាល់បាន៣គ្រាប់។
ដោយឡែកខ្សែប្រយុទ្ធ Pedro Agusto រកគ្រាប់បាល់បាន១៤គ្រាប់ ដោយតាមពីក្រោយ ម្ចាស់ពានស្បែកជើងមាស Jean Marie Privat ដែលជាមិត្តរួមក្រុមព្រះខ័នរាជ តែ២គ្រាប់ប៉ុណ្ណោះ។
ថ្វីដ្បិតមិនបានឈ្នះពានរង្វាន់នៅក្នុងរដូវកាលនេះ ក៏ពិតមែន ប៉ុន្ដែកីឡាករទាំងពីររូបនេះ បានរួមចំណែកជួយក្រុមដែលមានមូលដ្ឋាននៅខេត្តស្វាយរៀង ទទួលបានពិន្ទុស្មើជាមួយបឹងកេតនៅលើកំពូលតារាង Metfone Cambodian League ប៉ុន្ដែចាញ់ Head To Head៕
