Manchester United បានត្រៀមខ្លួនរួចជាស្រេចក្នុងការចូលរួមដេញថ្លៃដើម្បីនាំយកខ្សែបម្រើសញ្ជាតិអង់គ្លេស Jude Bellingham វ័យ 19 ឆ្នាំពី Borussia Dortmund ។ (ប្រភព៖ Telegraph)
Newcastle United ចង់ឱ្យខ្សែបម្រើ James Maddison របស់ Leicester ជាអាទិភាពនៅរដូវក្តៅនេះ ខណៈដែលកីឡាករវ័យ 26 ឆ្នាំរូបនេះបាននិយាយថាគេចង់លេងនៅ Champions League។ (ប្រភព៖ The I)
ការខ្ចីជើងរបស់ Dele Alli នៅ Besiktas នឹងមិនត្រូវបានបន្តជាអចិន្ត្រៃយ៍ក្នុងរដូវក្តៅនេះទេ ខណៈដែល Everton ទំនងជានឹងបញ្ចប់កិច្ចសន្យារបស់ខ្សែបម្រើសញ្ជាតិអង់គ្លេសវ័យ 26 ឆ្នាំរូបនេះ។ (ប្រភព៖ Football Insider)
Thierry Henry បានច្រានចោលឱកាសក្លាយជាគ្រូបង្វឹកក្រុមជម្រើសជាតិនារីរបស់ប្រទេសបារាំង។ (ប្រភព៖ Le Figaro)
ផ្ទុយទៅវិញ អតីតខ្សែប្រយុទ្ធ Arsenal និងបារាំង Henry វ័យ 45 ឆ្នាំ ចាប់អារម្មណ៍លើមុខតំណែងគ្រូបង្វឹកក្រុមបាល់ទាត់ជម្រើសជាតិបុរសរបស់សហរដ្ឋអាមេរិកដែលនៅទំនេរ។ (ប្រភព៖ ESPN)
Manchester United, Newcastle, Brighton និង Brentford សុទ្ធតែបង្ហាញចំណាប់អារម្មណ៍លើកីឡាករសញ្ជាតិអេស្ប៉ាញ Gabri Veiga និងជាខ្សែបម្រើរបស់ក្លិប Celta Vigo ជាមួយគ្នានេះក៏មានក្លិបនៅ Premier League ផ្សេងទៀតបានបង្ហាញចំណាប់អារម្មណ៍លើកីឡាករវ័យ 20 ឆ្នាំរូបនេះផងដែរ។ (ប្រភព៖ 90min)
ខ្សែបម្រើស្លាបរបស់ Brighton គឺ Solly March វ័យ 28 ឆ្នាំ គ្រោងនឹងបន្តកុងត្រាថ្មីជាមួយនឹងក្លិបបន្តទៀត ជាមួយគ្នានេះកុងត្រាបច្ចុប្បន្នរបស់កីឡាករសញ្ជាតិអង់គ្លេសរូបនេះនឹងត្រូវផុតកំណត់នៅរដូវក្ដៅនេះ។ (ប្រភព៖ The Athletic)
ក្លិប Wolves គ្រោងនឹងដាក់សំណើរនូវកិច្ចសន្យាថ្មីមួយសម្រាប់ប្រធានក្រុម Ruben Neves វ័យ 26 ឆ្នាំ និងជាខ្សែបម្រើក្រុមជម្រើសជាតិព័រទុយហ្គាល់។ (ប្រភព៖ 90min)
Bayer Leverkusen ចាប់អារម្មណ៍ក្នុងការនាំយកខ្សែការពារស្តាំ Vladimir Coufal វ័យ 30 ឆ្នាំ របស់ West Ham និងជាក្រុមជម្រើសជាតិឆែក។ (ប្រភព៖ Football Insider)
អតីតខ្សែការពារឆ្វេងរបស់ Tottenham និងក្រុមជម្រើសជាតិអង់គ្លេស Danny Rose វ័យ 32 ឆ្នាំកំពុងហ្វឹកហាត់ជាមួយក្រុម York City ដោយមិនទាន់មានក្លិបណាចាប់អារម្មណ៍លើរូបគេនៅឡើយទេខណៈដែលកុងត្រារបស់គេជាមួយ Watford នឹងត្រូវបានបញ្ចប់ក្នុងខែកញ្ញា។ (ប្រភព៖ Sun)
