ការប្រកួតជុំបង្ហើយពាន UEFA Europa League នឹងធ្វើឡើងនារាត្រីថ្ងៃព្រហស្បតិ៍ ទី១០ ខែធ្នូ ឆ្នាំ២០២០ ដើម្បីចំរាញ់យកក្រុមដែលត្រូវឡើងទៅកាន់វគ្គ៣២ក្រុមចុងក្រោយ ខណៈក្រុមមួយចំនួន បានកក់កៅអីរួចរាល់ហើយ ប៉ុន្ដែក្រុមមួយចំនួនទៀត ត្រូវប្រឹងប្រែងកាន់តែខ្លាំងសម្រាប់ការប្រកួតចុងក្រោយនេះ ដើម្បីអាចឆ្លងផុតវគ្គចែកពូល។
ក្រុមដែលបានកក់កៅអីឡើងទៅវគ្គ៣២ក្រុមមាន៖
ពូល A: Roma
ពូល B: Arsenal
ពូល C: Slavia Praha, Bayer Leverkusen
ពូល D: Rangers, Benfica
ពូល E: Granada, PSV Eindhoven
ពូល F: មិនទាន់មាន
ពូល G: Leicester City, Braga
ពូល H: Lille, AC Milan
ពូល I: Villarreal
ពូល J: Antwerp, Tottenham Hotspur
ពូល K: Dinamo Zagreb
ពូល L: Hoffenheim, Crvena Zvezda
ក្រុមលេខបីនៅវគ្គចែកពូល Champions League: Ajax, Club Brugge, Manchester United, Olympiacos, Dynamo Kyiv, Krasnodar, RB Salzburg, Shakhtar Donetsk។
ក្រុមដែលធ្លាក់ដោយស្វ័យប្រវត្តិ៖
ពូល A: CSKA Sofia
ពូល B: Dundalk
ពូល C: Nice, Hapoel Beer-Sheva
ពូល D: Lech, Standard Liege
ពូល E: PAOK, Omonia
ពូល F: Rijeka
ពូល G: Zorya Luhansk, AEK Athens
ពូល H: Sparta Praha, Celtic
ពូល I: Qarabag
ពូល J: LASK, Ludogorets
ពូល K: CSKA Moskow
ពូល L: Slovan Liberec, Gent
ក្រុមដែលនៅមានឱកាសឡើងទៅវគ្គ៣២ក្រុម៖
ពូល A: CFR Cluj, Young Boys
ពូល B: Molde
ពូល F: AZ Alkmaar, Napoli, Real Sociedad
ពូល I: Maccabi Tel-Aviv, Sivasspor
ពូល K: Feyenoord, Wolfsberg
ពូល A: Roma បានកក់កៅអីទៅវគ្គបន្ទាប់។ Young Boys នឹងមានឱកាសឆ្លងផុតវគ្គចែកពូល UEFA Europa League ប្រសិនបើពួកគេមិនបរាជ័យក្នុងការប្រកួតចុងក្រោយ។ CFR Cluj នឹងឡើងទៅវគ្គបន្ទាប់ បើពួកគេអាចយកជ័យជម្នះបាន។ CSKA Sofia ធ្លាក់ចេញពីការប្រកួត។
ពូល B: Arsenal កក់កៅអីរួចហើយទៅកាន់វគ្គ៣២ក្រុម ក្នុងនាមជាក្រុមកំពូលតារាងក្រោយឈ្នះ៥ប្រកួតជាប់គ្នា។ Molde នឹងឡើងទៅវគ្គបន្ទាប់ ប្រសិនបើពួកគេ មិនបរាជ័យ ឬចាញ់ដោយអាចរកគ្រាប់បាល់ និងមានគម្លាត១គ្រាប់។ Rapid Wien នឹងឡើងទៅវគ្គ៣២ក្រុម ប្រសិនបើពួកគេទទួលបានជ័យជម្នះ ១-០ ឬ មានគម្លាតគ្រាប់បាល់យ៉ាងតិចពីរគ្រាប់។ Dundalk ធ្លាក់ចេញពីការប្រកួតហើយ។
ពូល C: Slavia Praha នឹងឡើងទៅវគ្គបន្ទាប់ នឹងឈរនៅកំពូលតារាង បើពួកគេទទួលបានជ័យជម្នះ ឬ ស្មើ។ Leverkusen នឹងឡើងទៅវគ្គបន្ទាប់ ហើយអាចឈរនៅកំពូលតារាង ប្រសិនបើពួកគេឈ្នះការប្រកួតចុងក្រោយ។ Nice និង Hapoel Beer-Sheva ធ្លាក់ចេញពីការប្រកួតហើយ។
ពូល D: Rangers បានឆ្លងទៅវគ្គ៣២ក្រុម ហើយអាចឈរនៅនៅតំណែងកំពូលតារាង បើពួកគេទទួលបានលទ្ធផលក្នុងការប្រកួតដូច Benfica។ Benfica អាចឡើងទៅវគ្គបន្ទាប់ ប្រសិនបើពួកគេឈ្នះការប្រកួត ហើយ Rangers មិនទទួលបានជ័យជម្នះ ឬ បើពួកគេស្មើ ហើយ Rangers ចាញ់ការប្រកួត។ Lech និង Standard ធ្លាក់ចេញពីការប្រកួត។
ពូល E: Granada កក់កៅអីទៅកាន់វគ្គបន្ទាប់ ហើយនឹងឈរនៅកំពូលតារាង ប្រសិនបើពួកគេឈ្នះការប្រកួត ឬ ប្រសិនបើ PSV មិនទទួលបានជ័យជម្នះ។ PSV ក៏ឆ្លងទៅវគ្គ៣២ក្រុមដែរ ហើយពួកគេនឹងគ្រងតំណែងជាក្រុមលេខ១ក្នុងតារាង បើពួកគេឈ្នះការប្រកួត ហើយ Granada មិនទទួលបាន៣ពិន្ទុ។ PAOK និង Omonoia ធ្លាក់ចេញពីការប្រកួត។
ពូល F: Napoli នឹងឆ្លងផុតវគ្គចែកពូល បើពួកគេមិនបរាជ័យ ឬ AZ មិនទទួលបានជ័យជម្នះ។ ក្រុមមកពីអ៊ីតាលី អាចឈរនៅកំពូលតារាង ក្នុងករណីពួកគេឈ្នះការប្រកួត ឬស្មើប្រសិនបើ AZ មិនឈ្នះការប្រកួត។ Real Sociedad នឹងកក់កៅអីឡើងទៅវគ្គ៣២ក្រុម ប្រសិនបើពួកគេឈ្នះការប្រកួត ឬទទួលបានលទ្ធផលដូច AZ។ ពួកគេនឹងឈរនៅកំពូលតារាង បើអាចយកបានជ័យជម្នះ។ AZ នឹងឡើងទៅវគ្គបន្ទាប់ បើសិនទទួលបានជ័យជម្នះ ឬស្មើ ក្នុងករណីដែល Real Sociedad បរាជ័យ។ Rijeka ធ្លាក់ចេញពីការប្រកួត។
ពូល G: Leicester City និង Braga ឡើងទៅវគ្គ៣២ក្រុម ខណៈ Zorya Luhansk និង AEK Athens ធ្លាក់ចេញពីការប្រកួត។
ពូល H: LOSC Lille និង AC Milan ឆ្លងទៅវគ្គបន្ទាប់ ហើយ Sparta Praha និង Celtic ធ្លាក់ចេញពីការប្រកួត។
ពូល I: Villarreal កក់កៅអីទៅកាន់វគ្គ៣២ក្រុមរួចរាល់។ Maccabi Tel-Aviv នឹងឡើងទៅវគ្គបន្ទាប់បើសិនពួកគេឈ្នះ ឬស្មើការប្រកួតយប់នេះ។ Sivasspor បើទទួលបានជ័យជម្នះ។ Qarabag ធ្លាក់ចេញពីការប្រកួត។
ពូល J: Antwerp និង Tottenham បានកក់កៅអីទៅវគ្គ៣២ក្រុម។ LASK និង Ludogorets ធ្លាក់ចេញពីការប្រកួត។
ពូល K: Dinamo Zagreb ឡើងទៅវគ្គ៣២ក្រុម ក្នុងនាមជាក្រុមលេខ១។ Wolfsberg នឹងឡើងទៅវគ្គបន្ទាប់ ប្រសិនបើពួកគេទទួលបានជ័យជម្នះ ឬ ស្មើ។ Feyenoord នឹងឡើងទៅវគ្គបន្ទាប់ ប្រសិនបើពួកគេឈ្នះការប្រកួត។ CASK Moskow ធ្លាក់ចេញពីការប្រកួត។
ពូល L: Hoffenheim ឡើងទៅវគ្គបន្ទាប់ ក្នុងនាមជាក្រុមកំពូលតារាង។ Crvena Zvezda ឡើងទៅវគ្គ៣២ក្រុម ក្នុងនាមជាក្រុមលេខ២។ Liberec និង Gent ធ្លាក់ចេញពីការប្រកួត។
