ខ្សែការពារ ហុង ផេង ត្រូវស្ថិតនៅក្រៅទីលានរយ់ៈពេល៨ខែ ក្រោយទទួលការវះកាត់របួសជង្គង់នៅរសៀលថ្ងៃចន្ទ ទី០៥ ខែតុលា។ នេះបើតាមការចេញផ្សាយលើទំព័រផ្លូវការក្លិបបឹងកេត។
លោក ហ៊ុន ប៉េងឡុង គ្រូពេទ្យប្រចាំក្រុមជើងឯកសម្ដេចតេជោ ហ៊ុន សែន ២០១៩ ប្រាប់ថា កីឡាករសម្បូរបទពិសោធខាងលើបានរងរបួសអំឡុងពេលហ្វឹកហាត់ជាមួយក្រុម ក្រោយសម្រាកពីភ្ជុំបិណ្ឌមកវិញ ដែលភ្លាត់សរសៃជង្គង់ឆ្វេង។
គួរដឹងដែរថា ហុង ផេង ធ្លាប់មានបញ្ហាសរសៃជង្គង់ម្ដងហើយអំឡុងលេងលីគកាលឆ្នាំ២០១៦ ដែលធ្វើឲ្យគេអវត្តមានជាងមួយឆ្នាំ។ យ៉ាងណា ក្រោយការខិតខំប្រឹងប្រែង អតីតសមាជិកភ្នំពេញក្រោនបានចូលលេងទៀងទាត់វិញ និងប្រជែងបានកៅអីតំណាងប្រទេសសាជាថ្មី៕
