ប្រភពព័ត៌មានក្នុងស្រុកពីប្រទេសថៃឲ្យដឹងថា ក្លិបបាល់ទាត់ BG Pathum United បានដាក់សំណើផ្ទេរយកខ្សែប្រយុទ្ធ Teerasil Dangda ពីក្លិប Shimizu S-Pulse នៃក្របខណ្ឌកំពូលជប៉ុន J-League 1 នៅជុំទីពីរខាងមុខ។
បើតាមដំណឹងមក ក្លិបកំពុងគ្រប់គ្រងកំពូលតារាង Thai League 1 គ្រោងចាយ២៤លានបាត(៧៧០,០០០ដុល្លារអាមេរិក) សម្រាប់តម្លៃផ្ទេរកីឡាករវ័យ៣២ឆ្នាំខាងលើ។ បើការព្រមព្រៀងបានសម្រេចជាផ្លូវការ Teerasil នឹងទទួលបានថ្លៃនឿយហត់ក្នុងមួយខែ៧២៥០០០បាត (២៣០០០ដុល្លារអាមេរិក)លើកិច្ចសន្យា៣ឆ្នាំកន្លះ។
គួរដឹងដែរថា Teerasil Dangda បានចាកចេញពី Muangthong United ទៅ Shimizu S-Pulse នៅដើមឆ្នាំ២០២០។ កីឡាករធ្លាប់ចុះកុងត្រានៅ Manchester City កាលឆ្នាំ២០០៨ ក៏ធ្លាប់លេងឲ្យក្លិបកំពូលជប៉ុនមួយទៀតដែរ គឺ Sanfrecce Hiroshima៕
