ជប៉ុនដកខ្លួនពីការធ្វើម្ចាស់ផ្ទះ FIFA Club World Cup 2021 ដោយសារបញ្ហាកូវីដ១៩។ ទោះបីជប៉ុនបានធ្វើម្ចាស់ផ្ទះអូឡាំពិកនិងប៉ារ៉ាឡាំពិករដូវក្ដៅ២០២០ដែលបានលើកមកធ្វើក្នុងរដូវក្ដៅ២០២១នេះ តែជប៉ុនកំពុងជួបរលកអាក្រក់បំផុតនៃការឆ្លងរាលដាលកូវីដនិងកំពុងស្ថិតក្នុងភាពអាសន្ន។
ជប៉ុនដើមឡើយត្រូវធ្វើម្ចាស់ផ្ទះពាននេះក្នុងខែធ្នូ ដែលជាការធ្វើម្ចាស់ផ្ទះលើកទី៩និងចំខួប១០០ឆ្នាំនៃសហព័ន្ធកីឡាបាល់ទាត់ជប៉ុនផង។ តែ JFA បានជូនដំណឹងទៅ FIFA ម្សិលមិញពីការដកខ្លួន។FIFA បានទទួលយកការសម្រេចចិត្តរបស់ JFA តែមិនទាន់សម្រេចអំពីម្ចាស់ផ្ទះថ្មីនៅឡើយទេ។
គួរជម្រាបផងដែរថា FIFA Club World Cup 2020 ដែល Bayern Munich បានឈ្នះ បានធ្វើឡើងក្នុងខែកុម្ភៈ២០២១នៅកាតារ គឺពន្យារពេលដោយសារកូវីដដែរ៕
