អ្នកលេងកណ្ដាប់ដៃទម្ងន់ ពេជ្រ ប៊ុន សិទ្ធ បានផ្ដួលឲ្យ ខាំ ខ្លានាង សន្លប់ត្រឹមទឹកទី១ប៉ុណ្ណោះនៃការប្រកួតក្របខណ្ឌ One Strike ដែលវាយមួយទឹកមានថិរៈវេលា ៧នាទី នៃសង្វៀន PNN កាលពីថ្ងៃអាទិត្យ។ លទ្ធភាពឈានទៅផ្ដួលជើងខ្លាំងលំដាប់ប្រភេទទម្ងន់បាន កូនសិស្សលោក ពេជ្រ សុផាន់ បានបង្ហើបថាមិនមែនជារៀងចៃដន្យឡើយ ពោលរូបគេវាយទៅបានយុទ្ធសាស្ត្រដែលគ្រូបង្វឹករបស់ខ្លួនរៀបចំមក សម្រាប់ការប្រកួតមួយនេះ។
