ក្រុមការពារតំណែងជើងឯកអាល់ហ្សេរី បានជ្រុះចេញពី Africa Cup of Nations 2021 បន្ទាប់ពីបរាជ័យ ៣-១ ក្រោមថ្វីជើងកូឌីវ័រ ដែលមិនខុសពីក្រុមការពារជើងឯកកន្លងមកដែរ។
ចាប់តាំងពីព្រឹត្តិការណ៍ AFCON ឆ្នាំ២០១០ ដែលឈ្នះដោយអេហ្ស៊ីប មិនទាន់មានក្រុមណាអាចរក្សាតំណែងជើងឯកបាននោះទេ ហើយអាល់ហ្សេរីដែលជាក្រុមការពារជើងឯក បានជួបរឿងខកចិត្តដូច នីហ្សេរីយ៉ា និង កាម៉ារូនដែរ។
អាល់ហ្សេរីបានត្រលប់ទៅផ្ទះវិញដោយគ្មានពាក្យតវ៉ា ដោយសារពួកគេបញ្ចប់លទ្ធផលនៃបាតតារាងពូល E ក្រោយទទួលបានតែ១ពិន្ទុប៉ុណ្ណោះពីការចូលរួម៣ប្រកួត។
កូឌីវ័រដែលយកបាន៣ពិន្ទុពីក្រុមការពារជើងឯក នឹងឡើងទៅជួបអេហ្ស៊ីប ក្នុងវគ្គ១៦ក្រុមចុងក្រោយ Africa Cup of Nations នាថ្ងៃទី២៦ខែមករា ឆ្នាំ២០២២៕
