អាជ្ញាធរ និងគណៈគ្រប់គ្រងផ្សារស្វាយរលំភូមិយើងនៅសង្កាត់ស្វាយរលំ ក្រុងតាខ្មៅ ខេត្តកណ្ដាល បានរៀបចំការប្រកួតបាល់ទាត់មហាជន លើកទី១ ដោយមាន៩ក្រុមចូលរួមនៅទីលានមុខផ្សារស្វាយរលំភូមិយើង ចាប់ផ្ដើមពីថ្ងៃទី០៨ ខែមករា និងបិទបញ្ចប់នៅថ្ងៃអាទិត្យ ទី១៩ ខែកុម្ភៈ ឆ្នាំ២០២៣។
លោក ហ៊ុន សុខុន ចៅសង្កាត់ស្វាយរលំ បញ្ជាក់ថា ការប្រកួតពានរង្វាន់មហាជននេះត្រូវបានបង្កើតឡើងដើម្បីផ្ដល់ឱកាសដល់យុវជន បានចូលរួមលេងកីឡា ចាកឆ្ងាយពីសកម្មភាពមិនល្អក្នុងសង្គម។ លោកមើលឃើញថា ព្រឹត្តិការណ៍លើកទី១នេះពិតជាទទួលបានការគាំទ្រច្រើនពីមហាជន។
ចំណែកមហាជន និងកីឡាករក៏បានបង្ហាញអារម្មណ៍រីករាយចំពោះការរៀបចំការប្រកួតនេះឡើង និងសំណូមអាជ្ញាធរបង្កើតកម្មវិធីបែបនេះនាពេលខាងមុខ។
គួរដឹងដែរថា ក្រោយចប់ការប្រកួតរយៈពេលជាងមួយខែ ក្រុមយុវជនស្វាយរលំទទួលបានជើងឯក ក្រោយឈ្នះក្រុមស្ម័គ្រចិត្តក្នុងវគ្គផ្ដាច់ព្រ័ត្រ៕
