Tottenham មិនចង់លក់ខ្សែប្រយុទ្ធអង់គ្លេស Harry Kane នៅរដូវក្តៅនេះទេ បើទោះជាកីឡាករវ័យ 29 ឆ្នាំរូបនេះជិតអស់កុងត្រាជាមួយ Spurs នៅរដូវក្តៅឆ្នាំ 2024 ហើយមិនទាន់បន្តកុងត្រាថ្មីក៏ដោយ។ (ប្រភព៖ Sky Sports)
សារព័ត៌មាន Times រាយការណ៍ថាអតីតគ្រូបង្វឹកអេស្ប៉ាញ និង Barcelona លោក Luis Enrique នឹងចាប់អារម្មណ៍ចូលកាន់តំណែងជាគ្រូបង្វឹក Tottenham ប្រសិនបើ Spurs ចែកផ្លូវជាមួយលោក Antonio Conte ។
ខ្សែបម្រើអាហ្សង់ទីន Alexis Mac Allister អាយុ 24 ឆ្នាំកំពុងទាក់ទាញចំណាប់អារម្មណ៍ពីក្លិបមួយចំនួន ហើយរូបគេត្រៀមខ្លួនចាកចេញពី Brighton នៅរដូវក្តៅ។ (ប្រភព៖ 90 Min)
នាយកប្រតិបត្តិក្លិប Inter Milan លោក Beppe Marotta និយាយថា ខ្សែប្រយុទ្ធបែលហ្ស៊ិក Romelu Lukaku វ័យ 29 ឆ្នាំនឹងត្រលប់ទៅ Chelsea វិញ នៅពេលដែលកិច្ចសន្យាខ្ចីរយៈពេលមួយរដូវកាលរបស់គេនៅក្របខណ្ឌ Serie A ឈានដល់ទីបញ្ចប់។ (ប្រភព៖ Sky Sport Italia)
សារព័ត៌មាន Times រាយការណ៍ថាអ្នកចាំទីសញ្ជាតិសេណេហ្គាល់ Edouard Mendy វ័យ 31 ឆ្នាំបានពិភាក្សាលើកិច្ចសន្យាជាមួយ Chelsea ប៉ុន្តែភាគីទាំងពីរមិនទាន់ឈានដល់ការព្រមព្រៀងគ្នានៅឡើយទេ។
Manchester United នឹងដាក់សំណើរសម្រាប់ខ្សែបម្រើអ៊ុយរុយហ្កាយ Facundo Pellistri អាយុ 21 ឆ្នាំនូវកុងត្រាថ្មីមួយមុននឹងដាក់ឲ្យក្លិបផ្សេងខ្ចីនៅរដូវកាលក្រោយ។ (ប្រភព៖ Fabrizio Romano)
Leeds United បានយល់ព្រមចុះកុងត្រាជាមួយ Barcelona ក្នុងការនាំយកខ្សែប្រយុទ្ធអេស្ប៉ាញ Ilias Akhomach អាយុ 18 ឆ្នាំនៅចុងបញ្ចប់នៃរដូវកាលនេះ។ (ប្រភព៖ Mundo Deportivo)
ខ្សែប្រយុទ្ធអាហ្សង់ទីន និង Manchester City កីឡាករ Julian Alvarez អាយុ 23 ឆ្នាំបានយល់ព្រមលើកិច្ចសន្យាថ្មីរយៈពេល 5 ឆ្នាំកន្លះជាមួយក្លិប Premier League ។ (ប្រភព៖ Football Insider)
Newcastle United ចាប់អារម្មណ៍លើខ្សែការពារឆ្វេង Kieran Tierney របស់ Arsenal ប៉ុន្តែក្រុមកាំភ្លើងធំប្រហែលជាមិនលក់កីឡាករជម្រើសជាតិស្កុតឡែនវ័យ 25 ឆ្នាំរូបនេះទេ ខណៈដែលអ្នកចាត់ការ Mikel Arteta ចង់រក្សារូបគេទុក។ (ប្រភព៖ Caught Offside)
Liverpool និង Newcastle កំពុងប្រជែងគ្នាដើម្បីនាំយកខ្សែបម្រើអាហ្សង់ទីន Alan Varela អាយុ 21 ឆ្នាំពី Boca Juniors ។ (ប្រភព៖ Football Insider)
បន្ទាប់ពីរយៈពេលប្រាំមួយឆ្នាំជាមួយ Paris St-Germain កីឡាការិនីជម្រើសជាតិកាណាដា Ashley Lawrence វ័យ 27 ឆ្នាំរូបនេះបានសម្រេចចិត្តមិនបន្តកិច្ចសន្យាថ្មីទៀតទេ រូបគេនឹងចាកចេញពីក្លិបនៅចុងបញ្ចប់នៃរដូវកាលនេះ។ (ប្រភព៖ Le Parisien)
កីឡាករ Wilfried Gnonto និង Weston McKennie ដែលកំពុងលេងឲ្យក្លិប Leeds United អាចជាប់ពាក់ព័ន្ធក្នុងកិច្ចព្រមព្រៀងដោះដូរជាមួយ Juventus ក្នុងរដូវក្តៅនេះ។ ខ្សែបម្រើសញ្ជាតិអាមេរិក McKennie វ័យ 24 ឆ្នាំបច្ចុប្បន្នកំពុងខ្ចីជើងពី Leeds ប៉ុន្តែ Juventus បើកចំហរក្នុងការធ្វើឱ្យមានកិច្ចព្រមព្រៀងជាអចិន្ត្រៃយ៍ជាមួយខ្សែប្រយុទ្ធអ៊ីតាលី Gnoto វ័យ 19 ឆ្នាំដោយវិធីផ្សេង។ (ប្រភព៖ Calciomercatoweb.it)
Lee Carsley អាចនឹងចាកចេញពីតួនាទីជាអ្នកចាត់ការក្រុមជម្រើសជាតិអង់គ្លេសអាយុក្រោម 21 ឆ្នាំបន្ទាប់ពីការប្រកួតពានរង្វាន់អឺរ៉ុបរដូវក្តៅនេះ ហើយអតីតកីឡាករជម្រើសជាតិអង់គ្លេស Steven Gerrard, Frank Lampard និង Scott Parker អាចនឹងត្រូវគេពិចារណាជំនួសរូបគេ។ (ប្រភព៖ Mirror)
