សារព័ត៌មាន Evening Standard បានរាយការណ៍ថាខ្សែបម្រើ Declan Rice អាយុ 24 ឆ្នាំរបស់ West Ham គឺជាគោលដៅសំខាន់របស់ Arsenal នៅរដូវក្ដៅនេះ ហើយមានទំនុកចិត្តកាន់តែខ្លាំងឡើងថាពួកគេអាចយកឈ្នះគូប្រជែងដូចជា Chelsea, Manchester City និង Manchester United ដើម្បីនាំយកកីឡាករជម្រើសជាតិអង់គ្លេសរូបនេះបាន។
Real Madrid ដែលនាំមុខគេក្នុងការនាំយកខ្សែបម្រើសសញ្ជាតិអង់គ្លេស Jude Bellingham វ័យ 19 ឆ្នាំរបស់ Borussia Dortmund ។ សូមបញ្ជាក់ផងដែរថាក្លិបយក្យអេស្ប៉ាញក៏ចាប់អារម្មណ៍ខ្សែការពារសញ្ជាតិអង់គ្លេស Reece James វ័យ 23 ឆ្នាំរបស់ Chelsea ផងដែរ។ (ប្រភព៖ AS)
Manchester United កំពុងតាមដានខ្សែប្រយុទ្ធបារាំង Randal Kolo Muani របស់ Eintracht Frankfurt និងខ្សែប្រយុទ្ធដាណឺម៉ាក Rasmus Hojlund របស់ Atalanta ក្នុងករណីដែលពួកគេមិនមានលទ្ធភាពក្នុងការចំណាយទៅឲ្យ Tottenham សម្រាប់ផ្ទេរខ្សែប្រយុទ្ធអង់គ្លេស Harry Kane ។ (ប្រភព៖ Manchester Evening News)
សារព័ត៌មាន TheSun បានរាយការណ៍ថា Manchester United អាចនឹងខកខានក្នុងការនាំយកខ្សែបម្រើសញ្ជាតិអូទ្រីស Marcel Sabitzer ជាអចិន្ត្រៃយ៍ បន្ទាប់ពីកិច្ចសន្យាខ្ចីរបស់គេត្រូវបានបញ្ចប់ជាមួយ Bayern Munich នៅរដូវក្ដៅនេះខណៈដែលអ្នកចាត់ការថ្មីលោក Thomas Tuchel អាចនឹងសម្រេចចិត្តរក្សាកីឡាកររូបនេះបន្តទៀត។ បើយោងតាមលោក Fabrizio Romano កីឡាកររូបនេះចង់បន្តអាជីពរបស់គេជាមួយ Erik ten Hag។ ទោះជាយ៉ាងណាក៏ដោយកិច្ចព្រមព្រៀងរបស់គេជាមួយក្លិបបិសាចក្រហមវាអាស្រ័យលើ Bayern ថាតើ Tuchel សម្រេចចិត្តលក់ឬមិនលក់។
Julian Nagelsmann និង Mauricio Pochettino បានបើកចំហរក្នុងការស្នងតំណែងជាគ្រូបង្វឹកជំនួសលោក Antonio Conte បន្ទាប់ពីបានចែកផ្លូវជាមួយ Tottenham ។ ប៉ុន្តែអ្នកទាំងពីររង់ចាំមើលថាតើតួនាទីអ្នកចាត់ការរបស់ Real Madrid មានការផ្លាស់ប្ដូរឬអត់នៅរដូវក្ដៅនេះសិន ដើម្បីធ្វើការសម្រេចចិត្តលើអនាគតរបស់ពួកគេ។ (ប្រភព៖ 90min)
ខ្សែបម្រើសញ្ជាតិអាឡឺម៉ង់ Ilkay Gundogan បានត្រៀមខ្លួនរួចជាស្រេចដើម្បីចាកចេញពី Manchester City ហើយទៅចូលរួមជាមួយ Barcelona ដោយមិនគិតថ្លៃផ្ទេរនៅចុងរដូវកាលនេះ។ (ប្រភព៖ Football Insider)
សារព័ត៌មាន Sport បានរាយការណ៍ថា Newcastle ចង់នាំយកខ្សែការពារកណ្តាលជម្រើសដាណឺម៉ាក Andreas Christensen ពី Barcelona ។ ជាមួយគ្នានេះផងដែរ Football Insider រាយការណ៍ថាអ្នកចាតិការក្លិប Newcastle លោក Eddie Howe កំពុងជំរុញឲ្យក្លិបនាំយកខ្សែបម្រើសញ្ជាតិស្កុតឡែន Scott McTominay ពី Manchester United។
សារព័ត៌មាន Sport បានរាយការណ៍ថា Barcelona នឹងត្រូវប្រឈមមុខនឹងការប្រកួតប្រជែងពី Arsenal និង Chelsea សម្រាប់នាំយកខ្សែប្រយុទ្ធប្រេស៊ីល Vitor Roque របស់ Athletico Paranaense។
សារព័ត៌មាន 90min បានរាយការណ៍ថា Manchester City និង Paris St-Germain បានបើកការដេញថ្លៃសម្រាប់ខ្សែការពារសញ្ជាតិក្រូអាត Luka Vuskovic របស់ Hajduk Split ។
ខ្សែបម្រើស្លាបសញ្ជាតិហ្សកហ្ស៊ី Khvicha Kvaratskhelia គ្រោងនឹងចុះកិច្ចសន្យាថ្មីរយៈពេល 5 ឆ្នាំដើម្បីបន្តនៅ Napoli ។ (ប្រភព៖ Footmercato)
សារព័ត៌មាន Football Insider បានរាយការណ៍ថា Brighton ចង់នាំយកខ្សែបម្រើជប៉ុន Reo Hatate ពី Celtic ។
សារព័ត៌មាន Athletic បានរាយការណ៍ថាឪពុករបស់ខ្សែប្រយុទ្ធអេស្ប៉ាញ Ansu Fati ចង់ឱ្យកូនប្រុសរបស់លោកចាកចេញពីក្លិប Barcelona ដោយសារតែមិនសូវបានលេងច្រើនក្នុងរដូវកាលនេះ។ ខណៈដែលមានក្លិបមួយចំនួននៅ Premier League កំពុងចាប់អារម្មណ៍លើរូបគេរួមទាំង Manchester United ផងដែរ។
