ទស្សនិកជន Premier League នឹងចូលកីឡដ្ឋានវិញបាននៅខែធ្នូ

Monghak Yong
28 មើល
0 នាទីអាន


អ្នកគាំទ្រនឹងត្រលប់ចូលកីឡដ្ឋានក្នុងក្របខ័ណ្ឌ Premier League វិញបានមុនដាច់ឆ្នាំ២០២០ ដោយរដ្ឋាភិបាលអង់គ្លេសបានប្រកាសថាតំបន់ដែលមានហានិភ័យឆ្លងកូវីដ១៩ទាបនឹងត្រូវបានអនុញ្ញាតឱ្យមានទស្សនិកជនចូលទស្សនាផ្ទាល់ក្នុងកីឡដ្ឋានក្នុងចំនួនអតិបរមា៤ពាន់នាក់។

អង់គ្លេសត្រូវបានដាក់ក្នុងគ្រាមានអាសន្នរហូតដល់ថ្ងៃទី២ខែធ្នូ ប៉ុន្តែស្ថានភាពកូវីដ១៩ក្នុងប្រទេសនេះត្រូវបានរំពឹងថានឹងប្រសើរឡើងគ្រប់គ្រាន់ដើម្បីអនុញ្ញាតឱ្យទស្សនិកជនត្រលប់ចូលកីឡដ្ឋានវិញ។

លោកនាយករដ្ឋមន្ត្រីអង់គ្លេស Boris Johnson បានមានប្រសាសន៍ថានៅពេលណាស្ថានភាពប្រទេសត្រលប់មកការរឹតបន្តឹងកម្រិតទី៣វិញ ពេលនោះមានតែតំបន់ដែលត្រូវបានចាត់ថាមានហានិភ័យឆ្លងកូវីដខ្ពស់ប៉ុណ្ណោះទើបមិនអនុញ្ញាតឱ្យមានទស្សនិកជនក្នុងកីឡដ្ឋាន។

ក្នុងតំបន់ដែលមានហានិភ័យកម្រិតទី២ នឹងត្រូវបានអនុញ្ញាតឱ្យមានទស្សនិកជនក្នុងកីឡដ្ឋានច្រើនបំផុត២ពាន់នាក់ ឬ៥០%នៃចំណុះសរុប អាស្រ័យលើថាមួយណាមានចំនួនតិចជាង។

ពេលនោះនឹងក្លាយជាលើកដំបូងតាំងពីខែមីនាឆ្នាំ២០២០មកដែលការប្រកួតផ្លូវការក្នុងប្រទេសអង់គ្លេសអនុញ្ញាតឱ្យមានទស្សនិកជនក្នុងកីឡដ្ឋានឡើងវិញ៕

Follow:
លោក យ៉ុង ម៉ុងហាក់ ជា ពិធីករ អ្នកអត្ថាធិប្បាយ និង ជាការីនិពន្ធព័ត៌មានកីឡា ដែលមាន បទពិសោធការងារនៅស្ថាប័នធំៗមួយចំនួនក្នុងប្រទេសកម្ពុជា ទាំងទូរទស្សន៍ និង វេបសាយ។ លោក ម៉ុងហាក់ បាននិងកំពុងបំពេញការងារជាអ្នកសារព័ត៌មានកីឡា១០ឆ្នាំមកហើយ ។ លោក មានចំណេះដឹងកីឡាទាំងជាតិនិងអន្តរជាតិយ៉ាងច្បាស់លាស់ និងបរិយាយប្រកបដោយវិជ្ជាជីវៈ។ សព្វថ្ងៃ​លោកជា​និពន្ធនាយកប្រចាំ AMS SPORTS៕