Manchester United, Real Madrid និង Paris Saint-Germain ត្រូវបានរាយការណ៍ថា កំពុងបង្ហាញការចាប់អារម្មណ៍លើខ្សែការពារឆ្នើមមួយរូប របស់ក្រុមបាល់ទាត់ជម្រើសជាតិអាហ្សង់ទីន។
ក្លឹបធំៗទាំង៣ខាងលើ បានបង្ហាញការចាប់អារម្មណ៍លើខ្សែការពារ Christian Romero ដែលបច្ចុប្បន្នជាសមាជិកដ៏សំខាន់របស់ក្លឹប Tottenham Hotspur។
Romero បានអភិវឌ្ឍសមត្ថភាពរបស់ខ្លួនយ៉ាងល្អ ក្នុងការក្លាយជាខ្សែការពារកណ្ដាលដ៏រឹងមាំម្នាក់ក្នុងក្របខណ្ឌ Premier League ជាមួយដៃគូដ៏យល់ចិត្ត Micky van de Ven ក្រោមការបង្វឹកដោយលោក Ange Postecoglou។
យោងតាមប្រភពពី TYC Sports បានឱ្យដឹងថា Man United បានទាក់ទង Spurs សម្រាប់ការផ្ទេរ Romero កាលពីខែមិថុនា ឆ្នាំនេះ ប៉ុន្ដែអ្នកចាត់ការក្លឹបមាន់ខ្នាយមាសបានបដិសេធ ក្នុងការលក់អនុប្រធានក្រុមរបស់លោក។
