មិនត្រឹមតែបង្ហាញកីឡាបាល់ទាត់ដល់យុវជនប៉ុណ្ណោះទេ ក្លឹបបាល់ទាត់សៀមរាបយូណាយធីតកន្លងមកក៏បានស្វះស្វែងរកដៃគូដើម្បីផ្ដល់ដល់ក្មេងរបស់ខ្លួនទទួលបាននូវការសិក្សាអប់រំចំណេះទូទៅ បូករួមទាំងការបណ្ដុះនូវក្រមសីលធម៌ទៀតផង។ នេះបើតាមការឱ្យដឹងពីលោក វណ្ណ ពិសិដ្ឋ គ្រូបង្គោលក្រុមយុវជនអាយុក្រោម១៣ឆ្នាំសៀមរាបយូណាយធីត។
គ្រូបង្វឹកដដែលបន្ថែមដែរថា ក្រុមរបស់លោកក៏ប្រកាន់ខ្ជាប់ខ្លាំងបំផុតនូវការមិនបន្លំអាយុ ដើម្បីធ្វើឱ្យការអភិវឌ្ឍប្រព្រឹត្តទៅបានត្រឹមត្រូវ។
ក្រុមកុមារអាយុក្រោម១០ឆ្នាំសៀមរាបយូណាយធីតទើបទទួលបានជើងឯកការប្រកួតកីឡាបាល់ទាត់កុមារ 4v4 អាយុក្រោម១០ឆ្នាំកាលថ្ងៃអាទិត្យ ទី១៩ ខែមករា ឆ្នាំ២០២៥។ ទន្ទឹមនឹងនេះ យុវជនអាយុក្រោម១៦ឆ្នាំសៀមរាបយូណាយធីត គឺជាក្រុមតែមួយគត់ពីប្រទេសកម្ពុជា ដែលបានចូលរួមការប្រកួតបាល់ទាត់យុវជនមួយនៅខេត្ត Mukdahan ប្រទេសថៃ ខណៈ១៥ក្រុមផ្សេងទៀត ជាក្រុមយុវជនថៃទាំងអស់៕
