នាពេលថ្មីៗនេះ ខ្សែបម្រើវៀតណាម Nguyen Hoang Duc បានផ្តល់រង្វាន់ដល់ខ្លួនឯងនូវផ្ទះល្វែងដ៏ប្រណីតតម្លៃជាង ១០ ពាន់លានដុង (៣៩៤,០០០ ដុល្លារអាមេរិក) នៅក្រុងហាណូយ បន្ទាប់ពីបានរួមចំណែកជួយវៀតណាមឈ្នះជើងឯក ASEAN Cup ឆ្នាំ ២០២៤។
ប្រភពពី Vietnam Express ឱ្យដឹងថា បច្ចុប្បន្នអាផាតមិននេះមិនទាន់សាងសង់រួចរាល់ទេ ហើយ Duc មានគម្រោង decor អ្នករចនាផ្នែកខាងក្នុងបន្ថែម។ គេរំពឹងថានឹងផ្លាស់ទៅផ្ទះថ្មីរបស់គាត់បន្ទាប់ពីបុណ្យចូលឆ្នាំនៅចុងខែមករា។
កាលចុងឆ្នាំ២០២៤ ការផ្ទេររបស់ Duc ក្រុមលីគកំពូលវៀតណាម Viettel FC ទៅ Phu Dong Ninh Binh ក្នុងលីគ២ ទទួលបានប្រតិកម្មចម្រុះ។ គ្រាន់តែថ្លៃស៊ីញ៉េលើការចុះកិច្ចសន្យា៣ឆ្នាំកិច្ចសន្យារយៈពេល៣ឆ្នាំនោះ គេទទួលបានប្រាក់រង្វាន់ដល់ទៅជិត៨០ម៉ឺនដុល្លារអាមេរិក។
កីឡាករវ័យ២៦ឆ្នាំបានពន្យល់ពីជម្រើសរបស់គេនៅក្នុងបទសម្ភាសជាមួយ VnExpress កាលពីខែតុលា។
“ស្ថិរភាពហិរញ្ញវត្ថុមានសារៈសំខាន់មិនត្រឹមតែសម្រាប់កីឡាករប៉ុណ្ណោះទេ តែសម្រាប់គ្រប់គ្នាក្នុងអាជីព មូលដ្ឋានគ្រឹះហិរញ្ញវត្ថុដ៏ល្អអនុញ្ញាតឱ្យយើងផ្គត់ផ្គង់គ្រួសារ និងមនុស្សជាទីស្រលាញ់បានល្អ។ប្រសិនបើយើងមិនគិតពីការរកប្រាក់ពេលកំពុងលេង វានឹងពិបាកណាស់នៅពេលក្រោយ។ ក្នុងការងាររបស់ខ្ញុំ វាជាការលំបាកសម្រាប់នរណាម្នាក់ក្នុងការបដិសេធឱកាសបែបនេះ។ មនុស្សគ្រប់គ្នាចង់បានជីវិតកាន់តែប្រសើរឡើងសម្រាប់ខ្លួនឯង និងគ្រួសាររបស់ពួកគេ។”
Duc ក៏បានទិញឡានឪពុកម្តាយ និងប្អូនស្រីរបស់គេដែរ។ នៅឆ្នាំ ២០២២ គេបានសាងសង់ផ្ទះថ្មីដ៏ស្រស់ស្អាតមួយសម្រាប់ឪពុកម្តាយរបស់គេនៅក្នុងខេត្ត Hai Duong ដែលមានព្រំប្រទល់ជាប់ក្រុងហាណូយ។
ក្រៅពីក្រុមគ្រួសារ Duc ក៏បានប្រគល់ជូនសហគមន៍វិញដែរ។ ខ្សែបម្រើរូបនេះបានបរិច្ចាគប្រាក់ចំនួនជិត៤ម៉ឺនដុល្លារដល់មូលនិធិមួយទៀតផង។
Nguyen Hoang Duc កើតឆ្នាំ១៩៩៨ និងបានចូលក្រុមថ្នាល Viettel ឆ្នាំ២០០៨ និងបានចូលក្រុមធំ ឆ្នាំ២០១៧។ គេធ្លាប់ជាប់ជម្រើសជាតិយុវជនតាំងពីក្រុមអាយុក្រោម១៩ឆ្នាំ និងបានចូលក្រុមធំឆ្នាំ២០១៩៕
