ខ្សែប្រយុទ្ធជម្រើសជាតិវៀតណាម Phan Van Duc បានធ្វើឱ្យភរិយាខ្លួនភ្ញាក់ផ្អើលដោយការផ្ដល់អាំងប៉ាវចំនួន២ពាន់លានដុង (79,000 ដុល្លារអាមេរិក) សម្រាប់បុណ្យចូលឆ្នាំថ្មី។
ប្រភពពីសារព័ត៌មានវៀតណាម Vietnam Express ភរិយារបស់ខ្សែប្រយុទ្ធក្រុម Cong An Hanoi ខាងលើបានប្រាប់ថា ប្ដីរបស់នាង បានផ្ទេរតាមធនាគារចំនួនបួនទៅនាង ដែលនីមួយៗមានចំនួនជាង១៧០០០ដុល្លារអាមេរិក។ នាងបាននិយាយថា នៅថ្ងៃបន្ទាប់ កីឡាករវ័យ២៨ឆ្នាំបានបន្ថែម ជិត៨០០០ដុល្លារទៀតជាការអបអរសាទរចំពោះការសម្រកទម្ងន់ដោយជោគជ័យរបស់នាង ដែលនាំមកនូវចំនួនសរុបដល់ ជិត៨ម៉ឺនដុល្លារ។
AFF Cup 2024 កន្លងទៅ គេមិនមានឈ្មោះក្នុងបញ្ជីជម្រើសជាតិទេ។ ដោយឡែក ប្រាក់ខែរបស់គេនៅក្រុម Cong Anh Hanoi គឺទទួលបាន ១០០ លានដុងឬស្មើនឹង៣៩៧៦ដុល្លារអាមេរិក។
Duc និង ភរិយាបានរៀបការនៅដើមឆ្នាំ ២០២០ ហើយមានកូនស្រីអាយុ ៤ ឆ្នាំ និងកូនប្រុសអាយុ២ឆ្នាំ។
ប្តីប្រពន្ធនេះរស់នៅក្នុងក្រុង Vinh ក្នុងខេត្ត Nghe An ភាគកណ្តាលវៀតណាម។ ពួកគេមានរថយន្ត Mercedes ដែលមានតម្លៃជាង 2 ពាន់លានដុង ឬ៧៩០០០ដុល្លារ ហើយជាម្ចាស់អាជីវកម្មសណ្ឋាគារ និងភោជនីយដ្ឋាននៅ Nghe An៕
