អ្នកឡើងភ្នំវ័យ១៨ឆ្នាំឆ្នាំម្នាក់ត្រូវបានជួយសង្គ្រោះដោយជោគជ័យបន្ទាប់ពីចំណាយពេល១០ថ្ងៃក្រោមអាកាសធាតុត្រជាក់ខ្លាំងនៅតំបន់ភ្នំនៃភាគពាយព្យនៃប្រទេសចិន។
សារព័ត៌មាន South China Morning Post បានឱ្យដឹងថា អំឡុងពេលដ៏លំបាកនេះ ជាមួយនឹងកង្វះខាតអាហារយ៉ាងធ្ងន់ធ្ងរ យុវជន Sun Liang អាចរស់បានដោយការផឹកទឹកទន្លេ ព្រិលទឹកកក និងទទួលទានថ្នាំដុសធ្មេញ។
Sun បានចាប់ផ្តើមដំណើរផ្សងព្រេងឡើងភ្នំតែម្នាក់ឯងនៅថ្ងៃទី០៨ ខែកុម្ភៈ ទៅកាន់ Qinling ដែលជាជួរភ្នំភាគខាងកើតឆៀងខាងលិចក្នុងខេត្ត Shaanxi ។ ទីនោះមានកម្ពស់ជាមធ្យមប្រហែល ២៥០០ម៉ែត្រ មានរុក្ខជាតិ និងសត្វព្រៃចម្រុះ។
ពីរថ្ងៃក្រោយមក Sun បានបាត់បង់ទំនាក់ទំនងជាមួយគ្រួសារ ពេលឧបករណ៍អេឡិចត្រូនិចរបស់គេអស់ថ្ម។ ដោយបានដើរនៅក្នុងទីរហោស្ថាន គេបានដើរចុះតាមព្រែកមួយ ដួលជាច្រើនដង និងរបួសបាក់ដៃស្តាំ។
ដើម្បីការពារខ្លួនពីខ្យល់ត្រជាក់ និងខ្យល់បក់ខ្លាំង គេសំងំពីក្រោយថ្មធំមួយ ដេកលើចំបើងស្ងួត និងស្លឹកឈើ។ ទីបំផុតគេត្រូវបានក្រុមសង្គ្រោះរកឃើញ។ នេះបើតាមការចុះផ្សាយរបស់កាសែត South China Morning Post កាលពីថ្ងៃទី១៧ ខែកុម្ភៈ។
ក្នុងរយៈពេលពីរទសវត្សរ៍ចុងក្រោយនេះ អ្នកឡើងភ្នំជាង៥០នាក់ត្រូវបានគេរាយការណ៍ថាបានបាត់ខ្លួន និងអ្នកខ្លះបានបាត់បង់ជីវិត៕
