កាន់តែរញ្ជួយ កាន់តែមិនអាចរំលងភ្នែកបាន ជាមួយមហាព្រឹត្តិការណ៍ដ៏កក្រើកលើសង្វៀង Dragon គុនខ្មែរ នៅលើទឹកដីដ៏ស្រស់ស្អាត បេះដូងរាជធានីភ្នំពេញ បានត្រលប់មកម្តងទៀតហើយ កំពូលកីឡាករល្បីៗ នឹងជួបគ្នា ដើម្បីប្រកាសសង្គ្រាមថាអ្នកណាជាជើងខ្លាំងនៅលើសង្វៀនមួយនេះ។
សម្រាប់ការប្រកួតមួយនេះ ដឹងតែមិនធ្វើឱ្យបងប្អូនអ្នកគាំទ្រខកចិត្តនោះឡើយ ៤គូនឹងចូលមកដណ្តើមពាន 4Men TOURNAMENT ប្រភេទ៥៧គីឡូក្រាម ៦០គីឡូក្រាម និងគូអន្តរជាតិជាច្រើ់នគូ កណ្តាប់ដៃដែក ឡៅ ចន្ទ្រា នឹងប៉ះជាមួយចចកសឆ្លងដែន អេមីល ណាសមែន មកពីប្រទេសស៊ុយអែត ក្នុងនោះក៏មានគូពិសេសដ៏ជក់ចិត្ត គូដណ្តើមខ្សែក្រវ៉ាត់ Dragon គុនខ្មែរ អធិរាជស្តេចតោ មុឺន មេឃា និងជួបជាមួយនាគខ្មៅឆ្លងដែន ម៉ាកូស វ៉ាសាប៊ី រីយ៉ូស មកពីអាហ្សង់ទីន តើជើងរូបណានឹងក្លាយជាម្ចាស់ខ្សែក្រវ៉ាត់មួយនេះ។ ព្រឹត្តិការដ៏អស្ចារ្យនេះ នឹងធ្វើឱ្យកក្រើកសង្វៀន Dragon គុនខ្មែរ ចំនួន២ថ្ងៃ ចាប់ពីថ្ងៃទី១០-១១ ខែឧសភា ឆ្នាំ២០២៥ វេលម៉ោង ៨យប់តទៅ នៅដីវាលក្បាលដំរី២ ភូមិក្បាលដំរី២ សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ ចូលរួមទស្សនាឱ្យបានច្រើនកុះករ គាំទ្រដល់ប្រដាល់គុនខ្មែរ គាំទ្រដល់សង្វៀន Dragon គុនខ្មែរ ។
លើកនេះ ដឹងតែធ្វើឱ្យអ្នកគាំទ្រសង្វៀន Dragon គុនខ្មែរ កក្រើកទឹកដីរាជធានីភ្នំពេញ អ្នកណាជាជើងខ្លាំងនៅលើសង្វៀនមួយនេះ
