អ្នកចាំទីអង់គ្លេស James Trafford អាយុ 23 ឆ្នាំរបស់ក្រុម Manchester City កំពុងសម្លឹងរកការចាកចេញពីក្លឹបនៅខែមករាខាងមុខនេះ បន្ទាប់ពីធ្លាក់ចេញពីតំណែងជម្រើសដំបូង បន្ទាប់ពីការមកដល់របស់ Gianluigi Donnarumma ពីក្រុម Paris St-Germain ខណៈដែលអ្នកចាំទីអាល្លឺម៉ង់ Stefan Ortega អាយុ 33 ឆ្នាំ ក៏អាចប្រឈមមុខនឹងការប្រកួតប្រជែងថ្មីផងដែរ។ (Dailymail)
ខ្សែប្រយុទ្ធបារាំង Jean-Philippe Mateta អាយុ 28 ឆ្នាំរបស់ក្រុម Crystal Palace ចង់ផ្លាស់ទៅ Serie A ដោយមានក្លឹប AC Milan ជាក្លឹបមួយក្នុងចំណោមក្លឹបដែលចាប់អារម្មណ៍។ (Talksport)
Atletico Madrid បានបដិសេធការចង់បានរបស់ Manchester United ក្នុងការនាំយក Conor Gallagher ក្នុងលក្ខខណ្ឌខ្ចីជើងកាលពីរដូវក្តៅមុន ប៉ុន្តែក្លឹបអេស្ប៉ាញអាចនឹងបើកចំហសម្រាប់ខ្សែបម្រើអង់គ្លេសអាយុ 25 ឆ្នាំរូបនេះ ដោយចាកចេញក្នុងតម្លៃប្រហែល 26 លានផោន (ប្រហែល 35,5 លានដុល្លារ) នៅខែមករា ឬរដូវក្តៅខាងមុខនេះ។ (Here We Go Podcast with Fabrizio Romano)
ក្លឹបកាំភ្លើងធំ Arsenal បានយល់ព្រមលើកិច្ចព្រមព្រៀងដើម្បីនាំយកបងប្អូនភ្លោះជនជាតិអេក្វាឌ័រ Edwin និង Holger Quintero ដែលអ្នកទាំអពីរសុទ្ធតែជាខ្សែបម្រើប្រយុទ្ធដែលមានអាយុ 16 ឆ្នាំពីក្លឹប Independiente Del Valle ។ (ESPN)
ក្លឹប Sunderland ចង់នាំយកអតីតកីឡាករក្លឹប Arsenal គឺ Matteo Guendouzi អាយុ 26 ឆ្នាំ ខណៈដែលខ្សែបម្រើរបស់ក្លឹប Lazio និងក្រុមជម្រើសជាតិបារាំងរូបនេះចង់ស្ទង់មើលពីការផ្លាស់ទៅក្លឹប Black Cats។ (i Paper – subscription required)
ក្លឹប Roma នឹងពិចារណាលើការផ្លាស់ប្តូរខ្សែប្រយុទ្ធជនជាតិបារាំងវ័យ 20 ឆ្នាំ Mathys Tel របស់ក្រុម Tottenham នៅក្នុងខែមករាខាងមុខ ប្រសិនបើពួកគេមិនអាចនាំយកខ្សែប្រយុទ្ធហូឡង់វ័យ 24 ឆ្នាំរបស់ក្រុម Manchester United គឺ Joshua Zirkzee បាន។ (Il Messaggero – in Italian)
Manchester United កំពុងសម្លឹងមើលខ្សែការពារស្លាបឆ្វេង Nathaniel Brown អាយុ 22 ឆ្នាំរបស់ក្លឹប Eintracht Frankfurt និងអាល្លឺម៉ង់ ខណៈដែលកំពុងមានការចាប់អារម្មណ៍ពីក្លឹប Real Madrid និង Barcelona ផងដែរ។ (Florian Plettenberg)
ក្លឹប Tottenham ចង់នាំយកខ្សែប្រយុទ្ធអេស្ប៉ាញ Samu Aghehowa អាយុ 21 ឆ្នាំរបស់ក្លឹប Porto នៅក្នុងខែមករាខាងមុខ ប៉ុន្តែពួកគេព្រួយបារម្ភថាពួកគេនឹងចាញ់ក្លឹប Manchester City ក្នុងកិច្ចខិតខំប្រឹងប្រែងរបស់ពួកគេដើម្បីនាំយកខ្សែប្រយុទ្ធហ្គាណា Antoine Semenyo អាយុ 25 ឆ្នាំពីក្លឹប Bournemouth។ (Teamtalk)
អតីតខ្សែការពារក្រុម Real Madrid គឺ Sergio Ramos អាយុ 39 ឆ្នាំ ចង់វិលត្រឡប់ទៅកាន់ទ្វីបអឺរ៉ុបវិញ នៅពេលដែលកិច្ចសន្យារបស់គេជាមួយក្រុមម៉ិកស៊ិក Monterrey ផុតកំណត់នៅចុងខែធ្នូ។ (Calciomercato – in Italian)
ក្លឹប Nottingham Forest កំពុងសម្លឹងមើល Stefan de Vrij របស់ក្រុម Inter Milan ខណៈដែលខ្សែការពារហូឡង់វ័យ 33 ឆ្នាំរូបនេះនឹងផុតកិច្ចសន្យាជាមួយក្លឹបអ៊ីតាលីនៅរដូវក្តៅនេះ។ (Football Insider)
