ក្រុមកំពូលតារាង La Liga: Atletico Madrid ធ្លាក់ចេញយ៉ាងគួរឱ្យភ្ញាក់ផ្អើលពីពានរង្វាន់ Copa del Rey បន្ទាប់ពីចាញ់នៅទឹកដីក្រុមលីគទី៣ UE Cornella ១-០ យប់ថ្ងៃពុធទី៦ខែមករាឆ្នាំ២០២១។
Adrian Jimenez រកបានគ្រាប់បាល់តែមួយគត់ក្នុងការប្រកួត បន្ទាប់ពីចាប់ផ្ដើមបាន៧នាទី ដោយឆ្កឹះបាល់បញ្ជូនហ្វ្រ៊ីឃីកដោយ Agustin Medina។
Atletico លេង២៧នាទីចុងក្រោយដោយគ្នាតែ១០នាក់ ក្រោយ Ricard Sanchez ត្រូវបានបណ្ដេញចេញដោយសារកាតលឿង២ដង។
ក្រុមលោក Diego Simeone យប់មិញនេះក៏មានរបួសកីឡាករសំខាន់ម្នាក់ផងដែរគឺខ្សែការពារកណ្ដាល Jose Gimenez។
នេះជាលើកទី២ជាប់គ្នាហើយដែល Atletico ធ្លាក់ពីពាន Copa del Rey ក្រោមថ្វីជើងក្រុមលីគទី៣ ដោយឆ្នាំមុនលេងចាញ់ Cultural Leonesa៕
