Four Four Two រាយការណ៍ថា ហង្សក្រហម Liverpool ចាប់អារម្មណ៍ក្នុងការចុះហត្ថលេខាយកខ្សែប្រយុទ្ធអ៊ុយរូហ្គាយ Luis Suarez របស់ Atletico Madrid អាយុ ៣៤ ឆ្នាំជាថ្មីដើម្បីមកបំពេញចំណុចខ្វះខាតត្រង់តំបន់ប្រយុទ្ធរបស់ខ្លួន។
![](https://asset.ams.com.kh/sports/media/2-Diego-Costa-1024x683.jpg)
Mundo Deportivo របស់អេស៉្បាញបានចុះផ្សាយអំពី ខ្សែប្រយុទ្ធសញ្ជាតិអេស៉្បាញ Diego Costa វ័យ ៣២ ឆ្នាំដែលប្រកាសចែកផ្លូវគ្នាជាមួយក្លិប Atletico Madrid កាលពីប៉ុន្នានខែមុននេះ នឹងត្រូវផ្លាស់ទៅលេងឱ្យ Benfica នៅរដូវកាលក្រោយខាងមុខនេះ។
![](https://asset.ams.com.kh/sports/media/3-Brahim-Diaz-1024x682.jpg)
Real Madrid ចង់នាំយកខ្សែប្រយុទ្ធអេស្បាញ Brahim Diaz អាយុ ២១ ឆ្នាំត្រឡប់មកវិញក្រោយដាក់ឱ្យ AC Milan ខ្ចីជើង នេះបើតាមសារព័ត៌មាន Calciomercato របស់អ៊ីតាលី។ ចំណែកឯសារព័ត៌មាន COPE របស់អេស៉្បាញវិញ បានលើកឡើងថា Real Madrid មិនចាប់អារម្មណ៍ឡើយក្នុងការនាំយក ខ្សែប្រយុទ្ធ Cristiano Ronaldo របស់ក្លឹបសេះបង្កង់ Juventus ត្រឡប់មកអេស៉្បាញវិញ។
![](https://asset.ams.com.kh/sports/media/4-Pau-Torres-1024x683.jpg)
បើតាមសារព័ត៌មាន Manchester Evening News បញ្ជាក់ថា Man Utd មានបំណងនាំយកខ្សែការពារសញ្ជាតិអេស្ប៉ាញ Pau Torres អាយុ ២៤ឆ្នាំ របស់ Villarreal មកកាន់ទីក្រុង Manchester នៅរដូវក្តៅនេះ។
![](https://asset.ams.com.kh/sports/media/5-Georginio-Wijnaldum-1024x575.jpg)
ខ្សែបម្រើ Georginio Wijnaldum របស់ក្រុមហង្សក្រហម Liverpool និយាយប្រាប់ Metro ថាគេមិនទទួលបានដំណឹងអ្វីនោះទេ បើទោះបីជាមានរបាយការណ៍ថាកីឡាករហុល្លង់វ័យ ៣០ឆ្នាំរូបនេះបានយល់ព្រមចូលរួមជាមួយរួម Barcelona នៅពេលដែលគេចប់កិច្ចសន្យាជាមួយហង្សក្រហមនៅរដូវក្តៅខាងមុននេះ។
![](https://asset.ams.com.kh/sports/media/6-Eric-Garcia-1024x683.jpg)
Arsenal និង Chelsea ចាប់អារម្មណ៍ក្នុងការចុះកុងត្រាជាមួយខ្សែការពារ Eric Garcia ប៉ុន្តែកីឡាករវ័យ ២០ ឆ្នាំរូបនេះបានយល់ព្រមវិលត្រឡប់ទៅ Barcelona វិញនៅពេលគេអស់កុងត្រា ជាមួយក្រុម Manchester City នៅរដូវក្តៅខាងមុខនេះបើតាម Daily Star។