កីឡាករ Andre Drummond រកបាន២៧ពិន្ទុ ស្របពេលក្រុមរបស់គេ Los Angeles Lakers ផ្ដួល Utah Jazz ១២៧ទល់១១៥ក្នុងម៉ោងបន្ថែម។
Utah Jazz ដែលនាំមុខក្នុងភូមិភាគបស្ចឹម (Western Conference) អវត្តមានតារាសំខាន់ៗ Donovan Mitchell, Mike Conley Jr និង Rudy Gobert ដោយសាររបួស។
ចំណែក Lakers ដែលជាក្រុមការពារជើងឯក NBA ក៏គ្មានតារាឆ្នើមបំផុត២ដួងរបស់ពួកគេ គឺ Anthony Davis និង LeBron James ដែរ។
នៅទីលានផ្សេង កីឡាករ Jayson Tatum រកបាន៤៤ពិន្ទុសម្រាប់ក្រុម Boston Celtics ដើម្បីផ្ដួល Golden State Warriors ១១៩ទល់១១៤ ទោះបី Stephen Curry រកបាន៤៧ពិន្ទុសម្រាប់ Golden State ក៏ដោយ។ លទ្ធផលនេះបានបញ្ចប់ភាពឈ្នះជាប់គ្នារបស់ Golden State ត្រឹម៤ប្រកួត ខណៈ Boston ពេលនេះបានឈ្នះ៦លើកជាប់គ្នា៕
