Palmeiras បានផ្ដួលក្រុមមកពីប្រេស៊ីលដូចគ្នា Flamengo ក្នុងវគ្គថែមម៉ោង១៥នាទី២ដងនៃការប្រកួតផ្ដាច់ព្រ័ត្រ ដើម្បីការពារជើងឯកទ្វីបអាមេរិកខាងត្បូង Copa Libertadores ដោយជោគជ័យ នៅកីឡដ្ឋាន Estadio Centenario ក្នុងប្រទេសអ៊ុយរុយហ្គាយ ថ្ងៃសៅរ៍ទី២៧ខែវិច្ឆិកាឆ្នាំ២០២១។
កីឡាករបម្រុង Deyverson ដណ្ដើមបាល់បានពីការទប់បាល់មិនល្អដោយ Andreas Pereira ហើយបញ្ចប់ទីក្នុងនាទី៩៥ យកគ្រាប់ជ័យជម្នះសម្រាប់ Palmeiras។
Palmeiras បាននាំមុខមុនតាំងពីនាទីទី៥ដោយ Raphael Veiga តែត្រូវបានតាមស្មើដោយ Gabriel Barbosa ក្នុងនាទី៧២ សម្រាប់ក្រុមជើងឯកឆ្នាំ២០១៩ ធ្វើឱ្យការប្រកួតឈានដល់វគ្គថែមម៉ោង។
សូមជម្រាបថា នេះជាការឈ្នះពាន Copa Libertadores សរុបលើកទី៣របស់ Palmeiras និងជាលើកទី២ជាប់គ្នា។ ពួកគេឈ្នះពានទ្វីបអាមេរិកខាងត្បូងលើកទី១ក្នុងឆ្នាំ១៩៩៩៕
