រាជធានីភ្នំពេញអាចនឹងក្លាយជាផ្នែកមួយនៃស៊ីហ្គេម២០២៣ ឯកឧត្តម វ៉ាត់ ចំរើន អគ្គលេខាធិការនៃគណៈកម្មការរៀបចំស៊ីហ្គេម ២០២៣ ឬ CAMSOC បង្ហើបថា ទីលានកីឡានៃសហភាពសហព័ន្ធយុវជនកម្ពុជារាជធានីភ្នំពេញ ស្ថិតក្នុងពិចារណាជាផ្នែកមួយនៃការទទួលរៀបចំការប្រកួតក្នុងព្រឹត្តិការណ៍កីឡាអាស៊ីអាគ្នេយ៍ ២០២៣ នៅកម្ពុជា។
ឯកឧត្តម វ៉ាត់ ចំរើន មើលឃើញថា ទីតាំងនៅ ស.ស.យ.ក រាជធានីភ្នំពេញ អាចទទួលរៀបចំ២ប្រភេទកីឡានៅស៊ីហ្គេម ២០២៣ ដែលក្នុងនោះក៏អាចមានកីឡាប្រយុទ្ធផងដែរ ដោយគ្រាន់តែតុបតែងលម្អ និងដាក់កៅអីទស្សនាបន្ថែមប៉ុណ្ណោះ។
