អង្គការបាល់ទាត់ Soriya សហការជាមួយ Toyota បានបង្កើតកម្មវិធីបាល់ទាត់ពិសេសមួយឈ្មោះថា គម្រោង មួយពីរ ឬ 1 2 Project ដើម្បីចែករំលែកមេរៀន និងបទពិសោធដល់យុវជនកម្ពុជានៅទូទាំង២៥ខេត្ត រាជធានី។
លោក Tai Saito អគ្គនាយក Soriya ឲ្យដឹងថា 1 2 Project នឹងចែកចាយសារំលែកសារដ៏ពិសេស ដូចជា គោលដៅដែលអង្គការលោកចង់ចែករំលែក ហើយធ្វើឡើងតាមរយៈបាល់ទាត់ដែលជានិមិត្តរូបនៃភាពវិជ្ជមានដល់កុមារនៅទូទាំងប្រទេស។
គិតមកទល់ពេលនេះ 1 2 Project ត្រូវបានរៀបចំឡើងចំនួន៣ខេត្តហើយ មាននៅខេត្តកែប, កំពត និងតាកែវ និងគ្រោងបន្តទៅខេត្តផ្សេងទៀតក្នុងខែសីហា ខាងមុខ។ តែយ៉ាងណា លោក Tai Saito មិនទាន់អាចបង្ហើបទីតាំង និងពេលវេលានៅឡើយទេដើម្បីឲ្យមានភាពភ្ញាក់ផ្អើល។
SORIYA ត្រូវបានបង្កើតឡើងក្នុងឆ្នាំ ២០១២ និងកំពុងចូលរួមសកម្មភាពបាល់ទាត់ដើម្បីរួមចំណែកដល់សង្គម ក៏ដូចជាដោះស្រាយបញ្ហាសង្គមតាមរយៈបាល់ទាត់ផងដែរ៕
