អ្នកចាត់ការ Pep Guardiola បាននិយាយថា Manchester City នឹងជួបប្រកួតតទល់ជាមួយក្រុម Arsenal ដ៏ល្អបំផុត ចាប់តាំងពីលោក ចូលរួមដឹកនាំការប្រកួតនៅ Premier League ហើយក្រុមទាំងពីរ នឹងជួបគ្នា នាថ្ងៃពុធ ទី១៥ ខែកុម្ភៈ ឆ្នាំ២០២៣ នៅកីឡដ្ឋាន Emirates។
ក្រុមទាំងពីរព្យយាមក្នុងការយកជ័យជម្នះឱ្យបាន ដោយក្រុមកាំភ្លើងធំដឹកនាំដោយលោក Mikel Arteta រំពឹងយកឱ្យបានបីពិន្ទុ សម្រាប់បង្កើនគម្លាតនៅកំពូលតារាង ដើម្បីមានសង្ឃឹមខ្ពស់ក្នុងការឈ្នះជើងឯកលីគកំពូលអង់គ្លេសជាលើកដំបូង តាំងពីឆ្នាំ២០០៤ មក។ ប៉ុន្ដែ Man City អាចនឹងរំកិលមកកាន់កំពូលតារាង ប្រសិនបើពួកគេអាចយកបាន៣ពិន្ទុពីការប្រកួតនេះ។
