ទោះទទួលលទ្ធផលមិនគាប់ប្រសើរក្នុងការប្រកួតកីឡាបាល់ទាត់ក្នុងសាលជើងឯករាជធានីភ្នំពេញ ប្រធានក្រុមខាងលើមិនចាត់ទុកជារឿងអាក្រក់ឡើយសម្រាប់ក្រុម ព្រោះសមាជិកទូទៅសុទ្ធតែជាយុវជន ក្មេងៗនៅសិក្សា ខ្លះអាយុ១៥ឆ្នាំ ១៦ឆ្នាំ ហើយខ្លះសឹងតែពុំដែលមានបទពិសោធក្នុងកីឡាបាល់ទាត់ក្នុងសាលទៅទៀត។ គេថា នេះជាបទពិសោធដ៏ល្អសម្រាប់ក្រុម ហើយថា ប្រសិនបើមិនចាប់ផ្ដើមពីចំណុចសូន្យទេ ក៏មិនអាចឈានដល់ចំណុចកំពូលបានដែរ។ សម្បត្តិ បន្ថែមថា សមាជិកក្រុមក៏សប្បាយចិត្តដែលបានជួបក្រុមផ្សេងៗដែលមានបទពិសោធចាស់ទុំ។
ការប្រកួត៣លើកក្នុងពូល C ការប្រកួតកីឡាបាល់ទាត់ក្នុងសាលជើងឯករាជធានីភ្នំពេញ រដូវកាលដំបូងនេះ ក្រុមសេនាអង្គរ មិនទទួលបានពិន្ទុទេ ពោលចាញ់ទាំង៣ប្រកួតតែម្ដង៕
