មួយរយៈចុងក្រោយកីឡារត់ហាក់ក្រសោបបានការពេញនិយមលេងច្រើនពីបណ្តាលប្រជាជនកម្ពុជា ពិសេសការចូលរួមយ៉ាងគំហុកពីស្រទាប់យុវជន ស្របគ្នានេះយុវតី ការ៉ូលីនា សត្យា និងអ៉ិរីកា ក្នុងពេលមកបានចូលរួមរត់ក្នុងកម្មវិធីរត់ដើម្បីលើកកម្ពស់ចំណេះដឹងផ្នែកហិរញ្ញវត្ថុនៅកម្ពុជាបានរៀបរាប់ពីកត្តាដែលនាំឱ្យក្រុមខ្លួនបបួលគ្នាមកចូលពីព្រោះចង់រួមជាផ្នែកមួយក្នុងការជួយកិច្ចការសង្គមតាមរយៈសកម្មភាពកីឡាផ្សាភ្ជាប់ជាមួយសប្បុរសធម៌ដូច្នេះ។
មិនត្រឹមតែអាចជួយកិច្ចការងារសង្គមមួយមុខទេ និស្សិតឆ្នាំទី៣មួយក្រុមនេះក៏បានបន្ថែមថាកីឡារត់ពិតជាបានហុចផលច្រើនដល់សុខភាពរាងកាយពួកគេ តួយ៉ាងជួយដុតជាតិស្ករ ដុតខ្លាញ់ ជួយដល់ការលាតកម្ពស់ និងក៏អាចបង្កើតនៅទំនាក់ទំនងជាមួយមនុស្សម្នាជាច្រើនក្នុងសង្គមផងដែរ។
យុវតី ការ៉ូលីនា សត្យា និងអ៉ិរីកា ពួកគេក្រៅតែពីការលេងកីឡារត់ ពួកគេក៏តែងតែលេងកីឡាវាយសីជាប្រចាំផងដែរ៕
