ទស្សនិកជនមួយចំនួនប្រហែលធ្លាប់ឃើញហើយពេលទស្សនាកីឡាក្បាច់គុនមួយចំនួន ដូចជាកីឡាហាប់គីដូជាដើម ដែលមានការលោតរំលងគ្នា ដោយមានកីឡាករ កីឡាការិនីក្រាបជាជួរ ហើយមានអ្នកលោតរំលង ឬលោតរំលងពូកជាដើម។
តើលោតរំលងគ្នា ឬលោតរំលងពូក មានអត្ថន័យដូចម្ដេចដែរ?
លោក គង់ ចាន់មិថុរ៉ា ជាកីឡាករហាប់គីដូ និងជាគ្រូបង្វឹកមួយរូបដែរនោះ បញ្ជាក់ថា ការលោតរំលងនេះ បើនិយាយពីក្នុងកីឡារបស់លោកវិញ ហៅថា លោតចម្ងាយ។
សម្រាប់ការលោតនេះ គឺធ្វើឱ្យអ្នកហ្វឹកហាត់ចេះសម្រាល ជាពិសេសពេលជួបគ្រោះថ្នាក់ជាលក្ខណៈដួលណាមួយ។
