កម្មវិធីរត់ និង ជិះកង់នៅកោះឧកញ៉ាតីនឹងរួមចំណែកសំខាន់ក្នុងការផ្សព្វផ្សាយទេសចរណ៍មូលដ្ឋាន

កម្មវិធីរត់ និង ជិះកង់នៅកោះឧកញ៉ាតី ដើម្បីអបអររដូវកាលបៃតង ដែលរៀបចំឡើងដោយ KK Running Club នៅសង្កាត់កោះឧកញ៉ាតី ក្រុងអរិយក្សត្រ ខេត្តកណ្ដាល ទទួលបានអ្នកចូលរួមជិត៥០០នាក់ ដែលមានទាំងមហាជនទូទៅ សិស្សានុសិស្ស និងជនបរទេស។

ទាំងប្រជាជនក្នុងមូលដ្ឋាន និងអ្នកចូលរួមសុទ្ធតែបានសាទរនូវគំនិតផ្ដួចផ្ដើមដ៏ល្អមួយនេះ និងរំពឹងថា កម្មវិធីរត់ និង ជិះកង់នៅកោះឧកញ៉ាតីនឹងរួមចំណែកច្រើនក្នុងការផ្សព្វផ្សាយទេសចរណ៍មូលដ្ឋាន។

គួរដឹងដែរថា កម្មវិធីរត់ និង ជិះកង់នៅកោះឧកញ៉ាតី មានវិញ្ញសាជិះកង់ និង រត់១២គីឡូម៉ែត្រ និងវិញ្ញសារត់៥គីឡូម៉ែត្រ ដែលមានចូលរួមពីសិស្សានុសិស្សក្នុងមូលដ្ឋានចំនួន២០០នាក់ដែរ៕