Paris St Germain បានឈ្នះពាន League Cup បារាំងជាលើកទី៦ក្នុងរយៈពេល៧រដូវកាលចុងក្រោយ បន្ទាប់ពីផ្ដួល Monaco ក្នុងវគ្គផ្ដាច់ព្រ័ត្រ២-០នៅ Stade de France យប់ថ្ងៃពុធទី១៩ខែឧសភាឆ្នាំ២០២១។
Mauro Icardi បើកការនាំមុខសម្រាប់ក្រុមលោក Mauricio Pochettino ក្នុងនាទី១៩ ដោយទទួលបាល់បញ្ជូនពី Kylian Mbappe។ Mbappe ធានាជ័យជម្នះសម្រាប់ PSG ក្នុងនាទី៨១។
នេះជាការឈ្នះពានទី២របស់ PSG ក្រោមការដឹកនាំរបស់លោក Pochettino បន្ទាប់ពីពាន Trophee des Champions ក្នុងខែមករា។
ដោយឡែក ក្នុង Ligue 1 វិញ PSG កំពុងនៅក្រោម Lille ១ពិន្ទុ ខណៈសល់១ប្រកួតទៀត។
PSG នឹងលេងបង្ហើយរដូវកាលនៅទឹកដីក្រុមលេខ១៦ Brest នាថ្ងៃអាទិត្យ ស្របពេល Lille ត្រូវប្រកួតនៅទឹកដីក្រុមពាក់កណ្ដាលតារាង Angers៕
