ភ្នំពេញ៖ ពានរង្វាន់ League Cup 2021 By Foward គ្រោងនឹងប្រព្រឹត្តទៅចាប់ពីថ្ងៃទី០៥ ខែមិថុនា ដល់ថ្ងៃទី២៧ ខែមិថុនា ឆ្នាំ២០២១ ដែលមានក្លិបលីគអាជីពចំនួន៨ ចូលរួមប្រកួតប្រជែងដើម្បីអភិវឌ្ឍសមត្ថភាពកីឡាករ និង រក្សាចង្វាក់លេងរបស់ក្លិបនីមួយឲ្យប្រសើរឡើង ហើយគោលបំណងគឺផ្តោតសំខាន់ទៅលើការ ផ្តល់អត្ថប្រយោជន៍ដល់ក្លិបនីមួយៗ ដើម្បីផ្តល់ឱកាសដល់ក្លិបធ្វើការផ្សព្វផ្សាយបន្ថែមឱ្យម្ចាស់ឧបត្ថម្ភរបស់គាត់ដែលក្នុងស្ថានភាពការប្រកួតធំទាំងពីរមានចំនួនប្រកួតតិចជាងមុនដោយសារបញ្ហាកូវីដ-១៩។
ខាងក្រោមនេះជាកិច្ចសម្ភាសរវាង លោក ម៉ៃ វីរ: ដែលជាក្រុមការងារ AMS Sports ជាមួយលោក ឈី កុលបុត្រា លេខាធិការប្រតិបត្តិ នៃគណៈកម្មការប្រកួតបាល់ទាត់ជាតិកម្ពុជា អំពីការបង្កើតពានរង្វាន់ League Cup 2021 by Forward។
ក្រុមទាំង៨ ដែលចូលរួមពានរង្វាន់ខាងលើដូចជា ភ្នំពេញក្រោន, បឹងកេត, វិសាខា, កងយោធពលខេមរភូមិន្ទ, ព្រះខ័នរាជស្វាយរៀង, ព្រៃវែង, យុវជនបាទី និង អាយ អេស អាយ ដង្កោសែនជ័យ៕
