បាល់ទាត់លីគទី២, លីគនារី, ហ្វូតសាល និងពានយុវជនត្រូវបានប្រកាសផ្អាកជាបណ្ដោះអាសន្ន

សហព័ន្ធកីឡាបាល់ទាត់កម្ពុជាបានប្រកាសនៅរសៀលថ្ងៃអង្គារ ទី១០ ខែវិច្ឆិកា នេះការប្រកួតបាល់ទាត់ជម្រើសជើងឯកក្របខណ្ឌទីពីរ, លីគនារី, ហ្វូតសាល, បាល់ទាត់អាយុក្រោម១៨ឆ្នាំ និងក្រោម១៥ឆ្នាំត្រូវបានសម្រេចផ្អាកបណ្ដោះអាសន្នសិន។

ការផ្អាកនេះបន្ទាប់ពីក្រសួងអប់រំ យុវជន និងកីឡា សម្រេចផ្អាកសកម្មភាពហ្វឹកហាត់ និងហាត់ប្រាណនៅបរិវេណពហុកីឡដ្ឋានជាតិ។

ចំពោះពេលវេលាដំណើរការឡើងវិញនឹងធ្វើឡើងនៅពេលមានសេចក្ដីណែនាំពីក្រសួងអប់រំ យុវជន និងកីឡា៕