Manchester City មិនអាចបន្តឡើងទៅកាន់វគ្គពាក់កណ្ដាលផ្ដាច់ព្រ័ត្រ EFL Cup បានទេក្រោយចាញ់ Southampton ដោយលទ្ធផល ២ទល់នឹង០ ក្នុងការប្រកួតវគ្គ៨ក្រុមចុងក្រោយនៅថ្ងៃពុធ ទី១១ ខែមករា ឆ្នាំ២០២៣។
ចំណែក Nottingham Forest បានទម្លាក់ Wolverhampton ដោយបាល់កាត់សេចក្ដី១១ម៉ែត្រ ៤ទល់នឹង៣ ក្រោយស្មើគ្នា១ទល់នឹង១ ក្នុងម៉ោងធម្មតា។
ដូច្នេះក្នុងវគ្គពាក់កណ្ដាលផ្ដាច់ព្រ័ត្រ Southampton ត្រូវជួប Newcastle United និង Nottingham Forest ប៉ះ Manchester United។ ជើងទី១ប្រព្រឹត្តទៅនៅថ្ងៃទី២៤ ខែមករា និងជើងទី២នៅថ្ងៃទី៣១ ខែមករា៕
