Siamsport រាយការណ៍ថា ក្លិបវៀតណាម Hoang Anh Gia Lai នឹងផ្ដល់ថ្លៃពលកម្ម២៦០០០ដុល្លារអាមេរិកក្នុងមួយខែដល់លោក Kiatisak Senamuang បូករួមទាំងកិច្ចសន្យាពីររដូវកាលក្នុងនាមជាគ្រូបង្គោល។
អតីតខ្សែប្រយុទ្ធជម្រើសជាតិថៃខាងលើបានយល់ព្រមលើកិច្ចព្រមព្រៀងដើម្បីចូលដឹកនាំក្លិបនេះ។ លោកនឹងទៅដល់ក្រុមហូជីមិញនៅថ្ងៃទី០៣ ខែធ្នូ ហើយត្រូវធ្វើចត្តាឡីស័ក្ក១៤ថ្ងៃ។ បុរសរហស្សនាម Zico នឹងផ្ដើមការងារនៅថ្ងៃទី១៧ ខែធ្នូ។
ពីចន្លោះឆ្នាំ២០០៤ដល់២០០៦ លោកគឺខ្សែប្រយុទ្ធនៅ HAGL នេះផ្ទាល់តែម្ដង ហើយធ្លាប់ដឹកនាំក្នុងនាមជាគ្រូបង្គោលនៅឆ្នាំ២០០៦ម្ដង និង២០១០ ម្ដងដែរ៕
