ធ្លាប់តែជាអ្នកលេងបាល់ធម្មតាៗនៅតាមភូមិ ស្រុក ប្រចាំខេត្តកំពង់ចាមរបស់ខ្លួននោះ។ យុវតី ឆយ រតនា កីឡាការិនីប្រចាំក្រុមបាល់ទាត់នារីបឹងកេតបានថាមិនដែលគិតដល់ថាបានចូលរួមលេងឱ្យក្លឹបខ្លួនស្រឡាញ់ និងទទួលបានឱកាសការងារអាចរកចំណូលបន្ថែមពីអាជីពជាកីឡាការិនីរបស់ខ្លួនបែបនេះ។
កីឡាការិនីវ័យ២០ឆ្នាំក៏ថាការបានឱកាសបង្ហាត់ក្មេងៗបែបនេះគឺជារឿងល្អសម្រាប់គេក្នុងការបានចែករំលែកបទពិសោធដែលធ្លាប់មានទៅដល់ក្មេងៗ និងក៏ជាពេលវេលាសមគួរសម្រាប់ដុសខាត់សមត្ថភាពជាគ្រូបង្វឹកផងដែរ។
គួររំឭកថា ម្ចាស់អាវលេខ១៥ប្រចាំក្រុមនារីបាល់ទាត់បឹងកេត ឆយ រតនា បានឱកាសចូលរួមជាមួយបឹងកេតចាប់តាំងតែពីឆ្នាំ ២០២១ រហូតដល់បច្ចុប្បន្ននេះ៕
