សរសើរចក្ខុវិស័យវែងឆ្ងាយក្លឹបបាល់ទាត់អាជីបនៅកម្ពុជាមួយនេះ
ទោះមិនទានសមប្រកបក្នុងរដូវកាលថ្មី ក្លឹបបាល់ទាត់ អាយអេសអាយ ដង្កោសែនជ័យ នៅតែជាក្លឹបមួយនៅកម្ពុជាដែលទទួលបានដៃគូសហការឧបត្ថម្ភថ្មីជាបន្តបន្ទាប់!
កាលពីពេលថ្មីៗនេះក្លឹបបាល់ទាត់ អាយអេសអាយ ដង្កោសែនជ័យ បានចុះហត្ថលេខាលើអនុស្សារណៈយោគយល់គ្នា លើការសហការឧបត្ថម្ភពីក្រុមហ៊ុន GCM Concrete ដែលជាការចាប់ផ្តើមនៃកិច្ចសហប្រតិបត្តិការដ៏រឹងមាំ ក្នុងការគាំទ្រកីឡាបាល់ទាត់កម្ពុជា និងការអភិវឌ្ឍសហគមន៍។
GCM Concrete ត្រូវបានបង្កើតឡើងដោយមានបេសកកម្មច្បាស់លាស់ ផ្តល់នូវបេតុងលាយស្រេចដែលមានគុណភាពខ្ពស់ ដើម្បីកសាងមូលដ្ឋានគ្រឹះនៃអនាគតរបស់ប្រទេសកម្ពុជាដោយគុណភាព សុចរិតភាព និងការបង្កើតថ្មី។ តាំងពីដើមដំបូងមក GCM Concreteបានរីកចម្រើនទៅជាអ្នកដឹកនាំដ៏គួរឱ្យទុកចិត្តនៅក្នុងឧស្សាហកម្មបេតុង ការគាំទ្រដោយមោទនភាពចំពោះគម្រោងហេដ្ឋារចនាសម្ព័ន្ធ និងសំណង់សំខាន់ៗរបស់ប្រទេស។ ការផ្តល់ជូននូវភាពជឿជាក់ សុវត្ថិភាព និងភាពជាដៃគូរយៈពេលវែងជាការប្តេជ្ញាចិត្តរបស់ក្រុមហ៊ុនចំពោះ “គុណភាពសម្រាប់ជីវិត” ដឹកនាំអ្វីគ្រប់យ៉ាងដែលក្រុមហ៊ុនធ្វើ ដោយធានាថារាល់គម្រោងដែលយើងបម្រើមានភាពរឹងមាំសម្រាប់មនុស្សជំនាន់ក្រោយ។
ការចូលរួមសហការជាមួយក្លិបបាល់ទាត់ អាយអេសអាយ ដង្កោសែនជ័យ គឺជាការឆ្លុះបញ្ចាំង ពីចក្ខុវិស័យស្របគ្នាក្នុងការផ្តល់ក្ដីសង្ឃឹម ផ្តល់នូវជំនឿទុកចិត្ត និងការកសាងនូវថ្នាលការទទួលស្គាល់ទាំងក្នុងប្រទេស និងនៅលើឆាកអន្តរជាតិ ។
គួរអោយដឹងផងដែរថាក្លឹបបាល់ទាត់អាយអេសអាយ ដង្កោសែនជ័យបង្កើតឡើងដំបូងនៅក្នុងឆ្នាំ២០១៦ ពីក្រុមពាក់កណ្ដាលអាជីពរហូតឡើងមកកាន់លីគកំពូលកម្ពុជាកម្ពុជាលើកដំបូងក្នុងឆ្នាំ២០២៣ ។
