អ្នកនិយមកីឡារត់បានបង្ហាញអារម្មណ៍រីករាយយ៉ាងខ្លាំងដែលបានចូលរួមកម្មវិធីរត់កម្សាន្ដលើផ្លូវយន្ដហោះនៃអតីតអាកាយានដ្ឋានអន្តរជាតិភ្នំពេញ និងចង់ឱ្យរដ្ឋលេខាធិការដ្ឋានអាកាសចរណ៍ស៊ីវិលបន្តរៀបចំកម្មវិធីបែបនេះនាពេលក្រោយៗទៀត។
ចំណែកឯកឧត្ដម ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរណ៍ស៊ីវិលមានប្រសាសន៍ថា កម្មវិធីរត់កម្សាន្ដឆ្នាំនេះ គ្រាន់តែជាការសាកល្បងប៉ុណ្ណោះ ហើយប្រសិនបើទទួលបានការគាំទ្រកាន់តែច្រើន នោះនឹងបន្តរៀបចំទៀត។
