ការលេងកីឡាវាយសី គឺជាជម្រើសដ៏មានប្រសិទ្ធភាពសម្រាប់អ្នកចង់ស្រកទម្ងន់។ បើតាមអំណះអំណាងពីអ្នកជំនាញ ការលេងកីឡាវាយសីត្រូវប្រើកាយវិការមួយតួខ្លួន និងស្វិតស្វាញដែលអាចធ្វើឱ្យយើងតុតកាឡូរីបាន៣០០ទៅ៦០០កាឡូរីក្នុងរយៈពេលមួយម៉ោង តែក៏សំខាន់ថា អ្នកលេងស្វិតស្វាញដែរឬក៏អត់។
ការលេងជាប្រចាំ និងជាប់លាប់ជួយដុតបំផ្លាញជាតិខ្លាញ់ បង្កើនភាពរហ័សរហួន និងបង្កើនម៉ាសសាច់ដុំ ជាពិសេសពេលទទួលទានអាហារបានត្រឹមត្រូវ ។
ការប្រកួតរយៈពេល 30 នាទីអាចដុតបំផ្លាញកាឡូរីបានរហូតដល់ 400។
ធ្វើឱ្យសាច់ដុំនៅជើង ដៃ មានសកម្មភាពស្របគ្នាតាមរយៈ ការលោត និងការយោល។
ការលេងបែបលឿនៗធ្វើអោយប្រសើរឡើងនូវសុខភាពបេះដូង និងមានភាពធន់។
ដោយសារតែភាពសប្បាយ និងជក់ចិត្ត ធ្វើឱ្យយើងអាចលេងបានយូរ និងក្លាយទៅជាទម្លាប់។
ដើម្បីទទួលបានលទ្ធផលល្អបំផុតក្នុងការសម្រកទម្ងន់ គួរលេងជាប្រចាំ (ច្រើនដងក្នុងមួយសប្តាហ៍) តែក៏ទទួលទានអាហារឱ្យបានត្រឹមត្រូវដែរ៕
