ក្លិប Newcastle United កំពុងចាប់អារម្មណ៍កីឡាករបីរូបរបស់ Manchester United សម្រាប់ការដោះដូរដែលកំពុងបើកដំណើរការពេលបច្ចុប្បន្ននេះ។
កីឡាករបីរូបដែល Newcastle ចង់បាននោះមានដូចជា Brandon Williams, Jesse Lingard និង Phil Jones។
ខ្សែការពារស្លាបឆ្វេង Williams ត្រូវបានគេរំពឹងថា នឹងចាកចេញពីទឹកដី Old Trafford ក្រោមលក្ខខណ្ឌខ្ចីនៅខែនេះ ដើម្បីមានឱកាសទទួលបាននាទីចូលលេងច្រើន។
ដោយឡែក Lingard និង Jones អាចត្រូវបានអនុញ្ញាតឱ្យចាកចេញដោយមិនមានតម្លៃផ្ទេរ ដោយសារពួកគេមិនស្ថិតនៅក្នុងគម្រោងរបស់អ្នកចាត់ការ Ole Gunnar Solskjaer។ តាមការរាយការណ៍ពីវេបសាយ 90min អ្នកចាត់ការ Steve Bruce កំពុងសម្រេចចិត្ដ ថានឹងត្រូវនាំយកកីឡាកររូបណាចូលក្រុមក្នុងចំណោមអ្នកទាំង៣៕
