ក្លិបគុនខ្មែរដ៏ថ្មីសន្លាងមួយបានលេចរូបរាងឡើងក្នុងខេត្ត បាត់ដំបង កំពុងកញ្ឆក់ការចាប់អារម្មណ៍ក្រៃលេង ពីអ្នកគាំទ្រគុនខ្មែរ។
ក្លិបមួយនេះមានឈ្មោះថា «ក្លិបកីឡាប្រដាល់សែនក្លាហាន» ដែលមានមូលដ្ឋានស្ថិតក្នុងភូមិ អូរតានប់ សង្កាត់ក្ដុលដូនទាវ ស្រុកឯកភ្នំ ខេត្តបាត់ដំបង។
ប្រកបដោយសោភ័ណ្ឌភាព និង បំពាក់សម្ភារៈល្អៗ ក្លិបគុនខ្មែរ លើដែនដីបាត់ដំបង មួយនេះត្រូវបានអះអាងថា បណ្ដែតខ្លួនឡើង ជាមួយទស្សនវិស័យ ក្នុងការរួមចំណែកអភិរក្ស និងផ្សព្វផ្សាយគុនខ្មែរ ទៅរកភាពអស្ចារ្យ។
«ខ្ញុំតំណាងឲ្យស្ថាបនិកក្លិប ដែលបានកសាងក្លិបនេះឡើង គឺដើម្បីចូលរួមអភិរក្សសិល្បៈក្បាច់គុនប្រដាល់បុរាណខ្មែរ និង បណ្ដុះធនធានកីឡាករឲ្យបានច្រើន ចង់ឲ្យពិភពលោកទទួលស្គាល់ ថាគុនខ្មែរពិតជាអស្ចារ្យ»។ នេះបើតាមទំព័រហ្វេសប៊ុកផ្លូវការរបស់ក្លិបដែលបាន បង្ហាញជាផ្លូវការក្នុងសប្ដាហ៍នេះ៕
