ក្រុមបាល់ទាត់ជម្រើសខេត្តព្រៃវែង បានក្លាយជាម្ចាស់ចំណាត់ថ្នាក់លេខ៣ពានរង្វាន់សម្ដេចអគ្គមហាសេនាបតីតេជោ ហ៊ុន សែន ថ្នាក់ជាតិ ប្រចាំរដូវកាល២០២០។
ក្រុមជើងឯកថ្នាក់ខេត្តមួយនេះបានយកឈ្នះភ្នំពេញក្រោន៤ទល់នឹង២ក្នុងការប្រកួតនៅពហុកីឡដ្ឋានជាតិ ថ្ងៃសៅរ៍ ទី០៧ ខែវិច្ឆិកា។
គ្រាប់បាល់របស់ភ្នំពេញក្រោនរកបានដោយប្រាក់ ធីវ៉ា និងពៅ ប៉ុនវុទ្ធី ខណៈគី រីណា, ពៅ ចាន់ថេត, វឿន វ៉ា និងវុធ តុលា រកបានសម្រាប់ព្រៃវែង។ អ្វីដែលគួរកត់សម្គាល់នោះ គឺភ្នំពេញក្រោនបាននាំមុខដល់ទៅពីរដងតែត្រូវបានព្រៃវែងវាយបក និងឈានទៅយកបានជ័យជម្នះតែម្ដង។
សម្រាប់ការប្រកួតវគ្គផ្ដាច់ព្រ័ត្រយកជើងឯកនៅធ្វើឡើងនៅម៉ោង៦ល្ងាចថ្ងៃដដែល៕